حقيقه قريت الرد ورجعت من اوله اقراه 4 مرات ورا بعض علشان اتأكد ان هالكلام مقتبس من شخصيه ( عراقيه ) او عربيه او ايا كان تشتم الكويت بهالاسلوب ,, لكني ارجع وانصدم ان الكلام كلامك انت ؟!!
لأنه محد يقبل أبد أن يأتي شخص ويصف بلده ( بالقبيحه ) .. ومن غير اللائق أنك تقول مثل هالكلام !!
اولا بغض النظر عن ان الشخص الذي ينشتم او الدوله اللي تنشتم هي السعوديه اقرب بلد لنا ,, ولكن العقل والمنطق يقول لا يمكن لاي شخص عاقل يشعل النار بين فئتين من بلده وممكن يسبب حرب طائفيه بالبلد والبلد تنقسم لانقسام هو بغنى عنها علشان شخص من بلد اخر ,,
هذا المنطق وليس وجهة نظري !
مع ان رأيي ورأي الغالبيه من الشعب الكويتي ان اي شخص يسب اي شخصيه خليجيه وخاصه من السعوديه المفروض يتحاسب ويتأدب ,, ولكن انت ادرى بأنظمتنه كـ ( خليجيين ) اذا الحاكم يبي شي الشعب يسكت ويقول سم وحاضر !
اخوي مرسال ابدا ماهي من شيَم الكبار .. انك تذكر جميلك على احد
فعلت خير خلاص انتهى .. بعد مليون سنه تذكر ان الامير فلان ساهم بتحرير الكويت ؟ وهذا اصلا واجب ويقولون لاشكر على واجب وصدقني لو الملك فهد رحمة الله عليه عايش مابيرضى ولا شخص سعودي يقول لاي شخص كويتي احنا ساهمنا بتحريركم او ساعدناكم ..
لو لا سمح الله صار اي شي بالسعوديه تأكد وبدون اي تفكير الكويت هي اول بلد بتوقف معاها مو بالجيش ولكن بشعبها .. ومكرَم عليكم ان نتمنن بشيء بالمستقبل ... فـ كيف اللي يتمنن بشيء ماضي وقبل 20 سنه ؟!!
بدل لا احد يقعد يتغنَى بأي دوله عربيه يتغنى بالدول اللي تحبه حب حقيقي وليس حب مصلحه .. وصدقني لو لاسمح الله صار للمملكه شي محد بيوقف معاها قبل دول الخليج والله لايغير علينا
ولعل الغزو ( الصدامي ) على الكويت اكبر دليل لكم
وعسى حكومتنا تسقط 30 مره ونرجع ناصر اعتقد هذا شأن خاص واحنا حريين فيه راضين الحمدلله ,, اهم شي ان احنا احسن من غيرنا
وصدقني لا الكويت ولا اميرها درا عن رايك ووجهة نظرك يا مرسال وانا ماهمني ولا كلمه بهذا الرد العقيم لكن غيرتي على بلدي خلتني ادافع مجرد دفاع لاينفع ولا يضر وماانتظر منك اي تعليق . الله يجزاك خير
اخوي الصخره يعطيك العافيه عالموضوع وكان المتوقع منك ولو حرف واحد دفاع عن بلدك الثاني الكويت مثل ماتقول ,, بما انه موضوعك
الله يحفظ جميع بلاد المسلمين وارجو ان لايفهم من اي جمله قلتها اني ضد العرب كلنا اخوان والله ينعم عليهم نعمة الامن والامان
