نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ||● رابطة عشاق زعيم انجلترا 2011 - 2012 ●||● Glory Glory Man United ●||

VALENCIANISTA · #4 24/08/2011, 07:49 AM

الحلال ما يضيع

مبروك الفوز البارح ، الفريق أبداً ما عجبني الشوط الأول ، مع تعليمات السير لـ المهاجمين بـ التراجع و هذا اللي أثّر علينا و ما شفنا ذيك الخطوره من الخط الهجومي
بـ عكس الشوط الثاني ، يوم كشتوا مهاجمينا بدت تظهر الخطوره و قدرنا نسجّل ثلاث أهداف قابله لـ الزياده بس التسلب فريدل " كين

" نشب لنا و لا كانت خمسه
عجبني جداً خط الوسط ، صار فيه سرعه أكثر من أول .. و باصات و تيكي تاكا و شيء يفتح النفس و يطمنك على مستقبل النص ، أندرسون بـ الذات تحسن بـ شكل
كبير عن المواسم الماضيه ، خصوصاً كـ تحركات و توزيع لعب ، الهدف الثاني ما ردّه غير الباب ، كليفرلي .. خلاّني أعيد النظر بـ مسألة شنايدر و ما عاد يهمني سواءً
جاء و لا جلس بـ الإنتر ، إلاّ أحياناً أقول ليته يجلس لـ أن جيّته ممكن تقلل فرص كليفر بـ المشاركه لذلك خلّوه مانبيييه

، عودة فليتشر ، و وجود كليفر وأندي يغنينا
إن شاء الله ، عادي يجيبون لاعب فالوسط ، بس إذا كان أحد إثنين جاك رودويل أو مفيلا ، غيرهم ما أبي ، نرجع لـ محور حديثنا

، روني ! أي بدايه هذي يا تسلب

مباراتين و لا أحلى لـ القولدن بوي ، فالدفاع تلقاه ـ فالهجوم تلقاه ، يحرث الملعب حرث ، عز الله إنه نعمممه

، ويلبك بـ الطريقه هذي بـ يكون أكثر فايده لـ الفريق من
تشيشا و بربا ، لـ أن واضح إن الفريق و خصوصاً فالهجوم ما فيه تقيّد بـ المراكز و محتاج لاعبين يتحركون و يتبادلون الأدوار ، و الشي هذا ما أشوفه بـ تشيشا و لا بربا
لـ أن ستايل لعبهم غير و أدوارهم محدده فالملعب ، نجم السهره أمس أشوفه جونز ، ضغط و إفتكاك كوره رهيييب جداً و فدائي درجه أولى ، و من زود الفسقه يبدا الهجمات و
يساندها بعد بدون أي خوف ،لو ما تجيني منه غير إنبراشته على بيل كان أشبعني

، دي خيّا أمس إستفاد من بثارة VDV خخخ ، يستلم و يشوت ، يستلم و يشوت خخخخ
و بعدين ؟ كلين شيت

، مثل هـ المباريات يستفيد منها و ياخذ ثقه أكبر و يعالج السلبيه هذي ، و عقب ؟ شوّت لين تدوخ ، ما فيه قول

..
الحمدلله ، 6 من 6 بـ بداية موسم و مباريات قويه بـ الطريق ، تزيد الثقه عندك و تكنس كل اللي قدامك بـ إذن الله

، عطونا منقر و بزرانه خخخ