16/08/2011, 10:01 AM
|
 | نائب رئيس رابطة ليفربول | | تاريخ التسجيل: 02/09/2006 المكان: Anfield Road
مشاركات: 1,629
| |
ابشركم شباب ، خلصنا الترم الصيفي مساء البارحة و الحمدلله نبي نستانس بالعطلة على سنع 
تخبرون اللي ضيع علينا الدوري 2008 ؟ تخبرون اللي هزمونا رايح جاي 2009 ؟ تخبرون اللي خرب إنطلاقتنا 2010 ؟
ودي لو الفريق يطلع كل هذولي من عيونهم يوم الأحد .
أرعب ملاعب العالم أحتلت من ليفربول ، أقوى اندية أوروبا أهينت من ليفربول ، بإستثناء أرسنال ، أرسنال اللي دايم يخرب علينا سواء بالأنفيلد و ذكريات حزينة أو بالإمارات و قبله الهايبري و حقيقة أننا ما فزنا من أكثر من 12 سنة فيه .
هذا من ناحية عاطفية .
بخصوص الناحية الفنية .
أرسنال فريقهم حفلة صراحة ، أرشا مستواه زي الزفت ، و حاطين فانبيرسي مهاجم ، و يلعبون والكوت ، هذا إن دل يدل على قلة الخيارات الهجومية صراحة ، و لو أني كنت أتمنى أبو بندر يشارك ضدنا لأنه هاللاعب بالذات لا سجل يخسر الأرسنال .
دفاعهم مافيه إلآ فيرمالين الصاحي بس ، الباقيين مبزرة مجمعهم فينجر من فرنسا و أكاديمية أرسنال . و تشيزني مميز صراحة .
يعني الخوف من فانبيرسي و والكوت فقط لا غير ، نصري رايح للسيتي و مصرح مانشيني أنه يحتاج وسط من طراز عالي ، و ويلشاير مصاب و حتى لو لعب ما أظن راح يقدم مستوى .
أهم شيء اللاعبين يحطون ببالهم أنهم يبارون أرسنال ، وما يهتمون باللاعبين اللي يمثلونه ، لأنه أرسنال فريق كبير و أقرب طريق لهزيمته هي بإحترامه و لكن بعدم الخوف منه .
هناك فرق بين الإحترام و الخوف .
مباراتك يالأطخم ، كل ما نلعب بالإمارات يسجل ، و إن شاء الله يسويها الأحد .
هالمباراة راح تحدد بشكل كبير مصيرنا هالموسم ، لأنها أول مباراة ضد أحد الكبار على أرضه ، و هي اللي راح تحدد معدن ليفربول الملك ، هل اللي سبق كله مجرد روح بدون تكتيك و بدون شيء ، أو يثبت الملك أنه قد المسؤولية .
بس بكل الأحوال أنا مع الملك إلى النهاية
منووور الرابطة أنس و الله ، أخيرا قررت تشرفنا ق1
|
