أول شي كالديرون ماله دخل بفضيحه كأس الخليج لانه ماجى الا بوقت قصير

مشكله كالديرون ماعنده ثقه بلاعبينا اللي ماينوثق فيهم ولا بلعبهم عشان كذا تشوفه دايم مدافع والتأكيد امس بعد مباراه مصر اللي حط فيها سته مدافعين كل واحد أسوا من الثاني ووالله ثم والله لولا الله ثم حظ المنتخب المصري لكان المباراه اربعه صفر

منتخبنا حتى هجمه ماعرف يصنعها وش تترجى منه بصراحه انا واحد ماأعترف بهذا المنتخب قصدي بفريق الحواري لاتزعلون على هالكلمه لكن وش الفرق بين المنتخب وفريق حواري؟ صدقت اخوي يوم قلت هذا المنتخب لو يلعب بدوري كان شفته بدرجه الثانيه بعد

بتقولون ليش تقارن بين المنتخب والأفرقه الثانيه او حتى باللي يلعبون بشوارع او المدارس لانه كلهم مايلعبون بتفكير كلهم يمشون على قاعده طقها وألحقها الميزه اللي فيهم اللياقه (طبعا ماعندهم لياقه لكن هم الموجود بهذا الوقت)

بصراحه اذا كان مستوى المنتخب على هالحال وعلى هالحاله الدفاعيه انا واحد اتمناله الخسايره وانشالله من خساره لخساره ومن ثمانه ل 16 لين يحسون بالغلط

وماقهرني امس الا يوم قال الأأمير نواف ان المنتخب قدم مباراه حلوه اه ياقهر بس هجمه وحده ماقدرنا نصنعها ولاقدرنا نسوي شي وهذا برديف منتخب مصر يعني لو كان ميدو او محمد زيدان او غيرهم موجودين وش بيصير فينا امس ؟
على العموم مباراه المنتخب وفريق الفتح اليوم << طبعا هذا مستواهم وانا متأكد انها بتنتهي لصالح الفتح او حتى بتعادل وهارد لك على الخساره من كوريا مقدما