كالعادة بداية سيئه لـ ليفربول مع بداية الدوري للأسف كنت أتمنى الوضع يتعدّل مع كل بداية مُوسم نتفادى هالخط لكن برضه مازال
الخطأ مستمر فالمواسم الثلاث الأخيره أظن وكل الجماهير تشتكي من هالشّيء ، الشيء الإجابي هالمرّه إن فيه فرق مثلك تعثرت
ويمدي تلحق تعدّل وضعك قدّام أرسنال ، أما عن مُباراة ساندرلاند ليفربول كان ماشي صح وعامل شغل يرشحه إنّه يتقدم لكن
مايفوز .. كان فيه أخطاء واضحه لكن صعب تشوفها قدام ساندرلاند لأن الفريق واضح دخوله على إنّه يطلع بنقطة من الانفيلد
وماكانت خطورته واضحه على الريدز بالشُّوط الأوَّل .. غير إنّه ترك الإستحواذ وإكتفى بالدفاع والإعتماد على سرعة أسمواه
في المرتدات .. ليفربول كانت عنده إشكاليّة في الإنسجام ثلاث عناصر بالوسط جدد محتاجين شويّة وقت ، أما عن المحاور
فـ شيء ثاني بإفتكاك الكوره .. " آدمز - لوكاس " شفنا كذا تدخّل على أدوار بعض في فالتدخلات على الصانع لوكاس إنسان
عاهه بمعنى الكلمه .. إنسان مايعرف أساسيّات المحور ! اللاعب قدامه يروح من وراه عشان يفتك الكوره في كذا تدخّل !!
صحيح الولد مجتهد لكن في خامات أفضل منه بمليون مرّه بعدين من متى نلعب بهالتشكيلة محتاجين صانع بالخطّه
أقرب للعب بهالتشكيلة 41212 .. للتقليل من المسافات بين مراكز اللاعبين شفنا الفرديّات كثيره من سواريز وستيوارت
يعني كلها بشكل فردي او عرضيّات للآندي كارول محتاجين لاعب بخامة ميراليس أو أكويلاني يضبط الوسط .. ! الوضع
مُحبط والله .. لاعبين تتوقّع منهم إضافة صحيح الحُكم مُبكّر لكن هندرسون كان فعلاً سيّء ! مافيه سرعه فالمرتدّه أو حتى
تمريرات حاسمه تخليك تحس إنّه كان فالمُباراة .. إشكاليتنا كانت بالجناح اليمين والشيء الإجابي تغيير مركز ستيوارت
مرّه يمين ومرّه يسار .. أما إنّك تعالج مشكلة الجناح بإدخال ميرليس جناح !! هنا أكبر خطأ سواه الملك فالمُباراة نعرف خطورة
ميرليس وممكن ينهيلك مباراة بأسيست أو تمركز وتوقّع للكورة .. سحب لويس سواريز أكبر خطأ حتى لو كان ماهو جاهز يعني
وصل الدقيقه 78 بتفرق لو كمّل ! كان عامل خطوره " فردياً " كـ لعب الفريق فالمباراة عكس الأندي كارول كل خطورته برأسه
الشيء الثاني الهدف اللي دخل علينا وطريقة تغطية أنريكي و آدمز و فالينق وسط الصندوق أو شيء آدمز كان واقف
خلف انريكي رُغم إن لاعب من الخصم كان يمين .. وممكن يستلم ويلعب أوفر ولكن آدمز ماتحرّك وغطى اللاعب مدري
يمكن كان يتوقّع الكوره بتمشي من انريكي وتصك به مثلاً ؟ ماهو إستياء على مستوى تشارلي إلا إن تعليقي كان على
طريقة التغطية للأسف كانت سيئه جداً .. الوقت كان يعدّي فالشوط الثاني والفريق ماهو مستعد يكفّل نفسه ويضغط
ويعطي جُهد إضافي .. أقير وكارقر مستوى جبّار الثنائي .. أعجبني وضعهم بصراحة في هالمباراة وإن شاء الله يتحسّن
الوضع أكثر ومازلت واثق بتحسّن الفريق بعد هالتعزيزات وقدُوم كاهيل بإذن الله وبرضه أبو دالقليش أبخص بوضعهُم !
"
هاردلك خسارة نقطتين بـملعبنا والعوض بالإمارات إن شاء الله ..
