س1 .. السوبر ذهاب و أياب .. وش طموحك من مباراة الذهاب بما أنها على البيرنابيو ؟
مايبي لها كلام ،، أكيد طموحي وطموح أي شاب أو شايب أو بنت أو عجوز أو طفل أو طفلة برشلونيين ،، هو الفوز على الغريم التقليدي ، وأطمح بإن يفوز البرسا على الريال بنتيجة جيدة وأن يخرج لاعبي البرسا بدون إصابات من المبارة وخصوصاً إن عندنا مبارة معهم مرة ثانية يوم الخميس يعني بعد ثلاث أيام والأهم هو تحقيق البطولة من أمامهم عشان ندبل كبودوهم




س2 .. خط الدفاع .. من تبي يشارك مع بيكي ؟ ابيدال أو ماسكي ؟ .. و في الأظهره تفضل تواجد ادريانو أو ابيدال اللي هو مفتاح أمان في الدفاع ؟
أكيد أفضل تواجد بيكي وبجانبه ماسكي والإضهرة أفضل تواجد ألفيش باليمين لنزعته الهجومية في حالة جاهزيته وإبيدال في اليسار لحظوره المتميز والإبداعي .



س3 .. كيتا وش وضعه ؟ هل تأيد مشاركته اساسي على حساب واحد من الأجنحة و يصير وسطنا 4 لاعبين عشان يحرمون مدريد من الكورة و يكون كيتا عامل دفاعي قوي في النص ؟ .. أو تفضل ثلاثي الوسط المعتاد ؟

كيتا المفروض يكون ورقة رابحة ويكون بديل ناجح إن شاء الله في حالة تقدم او تأخر الفريق يعني على حسب ظروف المبارة يشارك .

س4 .. هل تأيد مشاركة تياغو أساسي على حساب بوسكيتس ؟

أنا أشوف لو يشارك كبديل أفضل من أساسي .. صدق إن تياغو نجم لكن توه يبي له خبرة أكثر
وأكثر وصعبة تخليه يشارك من البداية في مثل المبارة ذي اللي تتعبر من المباريات الحساسة وشوي شوي يبدأ المدرب يخليه يتأقلم مع الفريق يعني يلعب بشكل تدريجي مع الفريق الأول .

س5 .. " بيدرو - فيا - سانشيز " .. من تبي منهم في هالمباراة ؟ مع الأخذ بالأعتبار ان سانشيز مع لعب الا الآن ولا دقيقة !

أنا أفضل يلعبون بيدرو وفيا خصوصاً إذا ركزنا في نقطة الإنسجام بين الأثنين ذولا مع دخول سانشيز كبديل لأحدهم إذا كانت ظروف المبارة سيئة أو جيدة لإن اللاعب توه جاي وصعبة تخليه على طول يلعب كلاسيكو ومن البداية .. رأيي يلعب كبديل في الدقيقة 60 أو من بداية الشوط الثاني أفضل وبمبارة الإياب يلعب أساسي ..



س6 .. اخيراً .. برايك وش انسب طريقة تحرم فيها مدريد من التسجيل ؟ و وش أخطر لاعبين مدريد و اللي لازم تكون العين عليهم ؟

الضغط على حامل الكرة ، اللعب السريع المركز ، التحرك بدون كرة ، للعب من لمسة واحدة ،
وضغظ لاعبي وسط البرسا على لاعبي الريال بطريقة رجل لرجل رآح تخلي الريال منضغط ومايقدر
يتنفس في المبارة ومنها يتحكم البرسا في المبارة لسهولة لعب البرسا .


س7 .. لو كنت مكان غورديولا .. وش بتسوي خخ ؟

أما أنا بمكان غورديولا .. تخيل عاد أدرب مسي وفيا وبيدرو وبويل وبيكي وكيتا وماكسيرانو وتشافي وإنيستا والبقية الباقية ، هههههه وناسة لو أدربهم ، لو كنت أنا بمكانه كان ركزت
على سحب لاعبين الريال إلى ملعبنا والتركيز داخل المبارة ، والضغط على حامل الكرة ، وعدم
الإحتفاظ بالكرة لوقت طويل ، واللعب من لمسة واحدة ، والتحرك بدون كرة .


س8 .. النتيجة ؟ مسجلين الأهداف ؟ تحسم في الذهاب ولا بدري ؟
في مثل هذه المباريات القوية جداً والمعقدة من ناحية التكتيك وتقفيل اللعب وإنحصار اللعب في منطقة الوسط ، صعب جداً جداً جداً التوقع بنتيجة المبارة .. لكن أتمناها برشلونية بــ2/0 ، وأتمنى يسسسجل ميسي وفيا ، وما أتوقع إن نتيجة 2/0 كافية للحسم في مبارة الذهاب لإن الفريق الخاسر قادر على التعويض في مبارة الإياب ولا سيما إن الفريق الآخر فريق قوي وحقق من أمامنا بطولة كأس الملك الموسم الماضي ، صعب جداً الحسم في البرنابيو راح تحسم الأمور رسمياً وحسب توقعي في الكامب نو .



والله يعطيك العافية على الإسئلة النقاشية الرائعة وإن شاء الله نحتفل سوياً بفوز البرسا الليلة يارب