سالفه إنك لعبت وأنت ماتدرب إلا كم يوم نمشيها ..
لكن إنك انت إلي تسببت بالبلنتي نمشيها .. لكن تشوفها ؟ ماعمري شفت سواريز
شات بلنتي .. عندك ادم افضل واحد يشوت أو داونينغ ..
سواريز بالشوط الاول بالمناصفه مع ادم مع إني اشوف إن ادم هو الافضل بالمباراه
عموماً .. سواريز سوا إلي عليه الشوط الاول كان سحبته على طول ونزلت كاوت من
بدايه الشوط الثاني لأنك ببدايه الموسم والمشوار قدامك طويل .. إلا على طاري كاوت وش
في راسه على شاش ؟ انا فتره من الشوط الثاني إلي انصاب فيها كاوت ماتابعتها ..
بالنسبه لي .. بعد ادم يجي داونينغ إلي كان نشيط اليوم ويصنع ويسدد ولاتهون مزعته
إلي من نص الملعب عز الله إنها بردت كبدي من المستوى إلي صار بالشوط الثاني
**
احيييييييييييييييييييييييييه
..
تشارلي ادم مان اوف ذا ماتش مافيها كلام .. لكن بالرسمي سواريز الاول وادم الثاني ! معقوله جمهورنا مايشوفون إلي سواه ادم ؟
ادم لو مايجي منه إلا اللونق باس لكارول .. وللأسف الحكم قال إن فيها دفع
من كارول على المدافع مع إني ما اشوف فيها شي ..
جيرارد
.. لاهنت يالذيب بس ادم بيمسك مكانك إلين ترجع
من أول قلتها وأقولها الحين .. لاعب عادي جداً وكاوت أفضل منه حالياً بمراحل
وبعدين كيف تدخل كاوت في أول مباراه و90% من الفريق جديد وفتره قصيره
إلي لعب فيها كاوت وتبيه يعطيك وفوق كذا مصاب في راسه بعد ..
هندرسون خله بديل لكاوت .. يعني ماعجبك كاوت الموسم الماضي يالكنق ؟
عندك داونينغ يحرث اليسار واليمين بنفس الوقت وانريكي وراه وكاوت مع جونسون
أو كيلي باليمين .. إلا على طاري كيلي وينه اليوم ؟ انا توقعت إنه بالظهير الايمن ؟
"لو" تبي تطلع لوكاس .. على الأقل كان دخلت كاوت وحولت طريقه اللعب
لـ 4-5-1 ويكون كارول بالهجوم وكاوت باليمين وداونينغ باليسار وهندرسون
ورا كارول ولوكاس مع ادم بالمحور .. وغير كذا دخلت ميرليس كـ جناح والكل شاف
السباك اللع يقلعه يوم كان يحطه بالجناح الأيسر ونشوفه واحد مايقدر يسوي شي لأنه
إذا ماشديت حيلك .. مين بيعتمد عليه ليفربول بالهجوم ؟
ما اقولك سجل .. لكن على الاقل حسسنا إنك موجود وخطير على الخصم
للأسف مع الوقت تحسسني إنك ماراح تنفع أبد ..
يارب يكون كلامي غلط 100%
خل عنك الفلسفه يا بعدي
..
كارول ووراه سواريز .. وكاوت مع اكويلاني وداونينغ بالوسط وادم ولوكاس بالمحاور
وحط كيلي وكاراغار وكيلي وانريكي .. تبي تنسبط بملعب الامارات ان شاء الله
**
 | إقتباس |  | | | | | | | | | | واضح نظام داقليش حماسي .. يحاول يطلع اللي عند اللعيبه بالدافع النفسي .. وهالشي صعب بدوري مثل البريمر .. | |  | |  | |
حاولت اصدق لكن ماش خخخخخ ..
يعني تبي تقنعني إن الفريق وقوته بالشوط الاول كان مصدرها معنوي بس ؟
مستحيل .. ليفربول مشكلته إنه ماكان عنده صانع لعب بالعمق وخصوصاً إننا لعبنا
بـ 4-4-2 واعتمادنا على الاطراف وللأسف هندرسون مستواه عادي جداً جداً و
بكذا شفنا داونينغ راح للجناح الأيمن وعمل عمايل زي الجهه اليسرى 
.. لو الكنق لعبها صح ونزل كاوت بدال هندرسون من البدايه .. أو على الاقل من بدايه
الشوط الثاني .. ولحد الان مدري ليه أفضل لاعب وسط يلعب بالعمق وهو اكويلاني
غايب ؟ يعني انا شفت بالمنصه جيرارد وكيرغياكوس وجونسون ومعهم كم واحد وقلت
الحين اكوي معهم .. ادور والله مالقيته والحين الميلان قريب منه للأسف 
