نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - رابطة عشاق الشياطين الحمر (المانشستر يونايتد)

hilalemooot · #4551 10/03/2005, 07:05 AM

[align=center]والله استغرب من بعض الشباب..

الخسارة او التعادل تاثر فيهم كثير وينقلبون على الفريق

ياجماعه مثل ماتحبوا الفوز و البطولات لازم ترضون بالخسارة والخروج

ترى هذى حال كرة القدم

ومافي فريق يفوز على طول

ياجماعه المان كبير وفي مرحلة بناء ورغم هذا مركزنا الثاني ولم نخسر مباريات كثيرة

صدقوني خروجنا هذي المرة درس للفريق والادارة

يعني شويه لاعبين مع لاعبين الخبره اللي معنا ومع زياده خبره رونالدو وروني واللاعبين الشباب هذولي واقروا تصريح فيرغي الثاني وتصريح الرود وبتوافقوني اكيد

المان بخير يا جماعه والكبير كبير

وخسارتنا من الميلان هذي السنه اهون بكثير من خسارتنا امام بورتو الموسم الماضي

خسرنا من فريق عملاق وكان لازم احد من العملاقين يخرج

بالنسبه لمنتقدي فيرغسون ..

فيرغسون الان في حالة بناء و تجديد في الفريق .. و هذي سياسة السير.. و هذي طريقتة بتحقيق الانجازات.. سيكرر السير معنا عهد جديد و نفرح بالبطولات فقط الصبر واللي ما عنده استعداد يصبر يروح يدور له فريق ثاني !! .. وليش ما تقولون يمكن هالموسم يصير موسم تجربه ويشوف وش الخلل ويصلحه وزي ما يقولون رب ضاره نافعه ..

تعرفون كيف جلب السير كين و جيجز و الاخوان نيفيل و سكولز و بيكهام..

بنفس هذه الطريقة..

في ذاك الوقت وصفه معظم رجال انجلترا باغبى رجل في البلاد..

بعد ان حقق البطولات أصبح البطل القومي !!

أصبروا وسترون كيف سيعود المان لينتصر ويقهر الجميع

بالنسبه للي يبي مدرب جديد ابيه يقولي من المدرب اللي تشوفه قادر ان يحل محل السير اليكس فيرغسون وتشوفونه يقدر يسوي اللي سواه ؟؟

وابي يكون منطقي مهوب يطلع لي واحد ويقول ابي مورينهو لانه ما راح يترك تشلسي .. ولا يقولي ابي مثل كذا ابي اسم مدرب وخلوكم منطقيين .. فكروا بعقلكم ..

تخيلوا بعد سنتين نجوم شباب كروني ورونالدو وميللر وريو وسلفستر وهاينزه مع محور ارتكاز شاب ومميز وجناح يسار رائع وحارس ممتاز .. وبقياده فيرغي .. صدقوني هاللاعبين ناقصتهم الخبره بس وبكره بتشوفون ..

يا شباب انا مابي احد منكم يفهمني غلط او يحسبني زعلان منه او شي .. عارف انكم تحبون المان وتبونه يفوز وياخذ بطولات .. بس لازم نصبر .. مهوب من موسم ولا موسمين يصير فيرغي خلاص شيب وما عنده سالفه ولازم يجي غيره .. تكفون لا تحسسوني انكم جماهير فوز ..

السير مدرب حقق اكثر من 25 بطوله في 18 عام .. مع انه اول ثلاث مواسم تعرض لهجوم شديد ولم يحرز اي بطوله !! هذا المدرب عنده من الفكر والتكتيك اللي يميزه عن جميع المدربين هو اللي استطاع فعل المستحيل مع فريقه الأسكتلندي قبل أن يأتي للمان

كسب الدوري والكاس وكاس الإتحاد الأوروبي ودوري الأبطال أيضا

لم يكن لاعبيه مشهورين ابدا في ذلك الفريق ولكنهم كانو لاعبين ينفذون تكتيه ويفعلون ما يريد

اخذ الكأس من أقوى الفرق في العالم اللي هو الريال

بعدين جا للمان اللي لم يكن من الفرق المنافسة وقتها واحتاج الى 5 سنين كي يبدأ في احراز الألقاب ومنذ ذلك الحين مررت على المان فرق قوية حتى عندما ما كان معنا الأسطورة كانتونا

لم يستطع الفريق الفوز بدوري الأبطال

وجا كانتونا من العام 93وكسب المان الثنائية مرتين وجت الفترة التي بدأ فيها السير بناء فريق جديدوانتظر الى أن اكتسبوا الخبرة الكافية واتى بستام ومن ثم يورك وكول عندها فقط استطاع أن يكون ذلك الفريق ولكن بعد ذلك اعتزل الحارس العملاق شمايكل وتقريبا عانى الفريق من بعدها بسبب أخطاء الحراس فتقريبا جميع السنين من 2000الى الآن الفريق يخرج بسبب أخطاءهم الفادحة

وقد بدأ منذ العام الماضي بناء فريق جديد لذلك فقط هؤلاء اللذين عرفوا الأوقات الصعبه التي واجهها السير في بناء ذلك الفريق يعرفون أنه في طريقه لإكمال الفريق الثاني

واذا تبون نصيحتي لا تتابعون بيومي الفاشل هذا اللي كل يوم له راي .. في اول الموسم إنتقد السير اليكس بسبب البداية السيئة للفريق والكل يعرف بسبب الإصابات وايقاف ريــو ..

وطالب خالد بيومي السير اليكس فرغسون بالإستقاله حفاظاً على تاريخه !! ...

وعندما عاد مانشستر يونايتد كما هو قال خالد بيومي وفي كلام مُتاقض . السيرفرغسون يُملك عصى سحريه !!!!! ..

كذلك قال عن سكولز انه عاله ولازم يعتزل !! .. بعدين قال المنتخب الانكليزي خسر سكولز !!

حتى رونالدو بعد وقال انه لاعب سيء ولم يفعل شيء بالموسم الماضي مع انه قاد الفريق للفوز بكأس إنكلترا .. وبعدين رجع وقال رونالدو أحد أفضل المواهب في العالم !!

بالنسبه لموضوع اللاعبين .. ياما جبنا لاعبين سوبر ستار و أخرتها سيئين .. بعطيكم مثال بارتيز بارتيز قدم للمان وهو أفضل حارس في العالم في راي النقد وفي تصنيف الفيفا ودفع فيه المان فوق ال 20 مليون ولكن منذ أن انفصل عن خطيبته تدهور مستواه بشكل يدعو للشفقة

ونفس الحال عند فيرون شتراه السير وهو أفضل لاعب في الدوري الأيطالي وهو لم يكن سيئا مع المان لكن الجماهير كانت تريد لاعبا سوبروقد دفع ثمن تنافس سكولز وكين معه فقد كان هؤلاء الإثنين في قمة مستوياتهم ورحل الإثنين من المان بنصف المبلغ اللذي دفع فيهم

ومع ذلك الإدارة تقريبا تشتري لاعب كبير كل سنة فقد اشترينا فيرديناند وبعد ذلك نيستلروي ومن ثم رونالدو والآن روني .. الزبده مو شرط كل نجم ينجح معنا ..

بعدين بالله فكروا .. يعني حالك بيكون أسوء من حال اللاعبين و حال السير ؟؟ فهم من لعبوا وتعبوا وخسروا بالنهاية ..

بالنسبه لإنتقاد اللاعبين الشبان كروني و رونالدو وفليتشر .. لاعب بعمرهم مش ممكن تلومه .. تذكرون اول ما طلع بيكهام كان الجمهور ينتقده .. في عام 96 كان عمره20 او 21 سنه .. بعدين وفي موسم 99 اصبح البطل الأسطوري لما صار 24 عاما .. مع الملاحظه ان رونالدو الحين عمره 20 ..بالله من كان خلف تطور مستوى بيكهام ؟؟ مهو السير اليكس فيرغسون .. واللي سوا كذ ببيكهام اللي اتحسر على ايامه هالحين

مهو قادر يسوي كذا برونالدو .. مع ان بدايه رونالدو افضل مليووووووون مره من بدايه بيكهام ..

يا جماعه مالديني يلعب كووره قبل ولاده رونالدو مع ذلك وربي احرجه بكم كووره وانتم تعرفون منهو مالديني .. كذلك ستام ونيستا وكافو ..

جيجز من طلعه ؟؟ .. سكولز من طلعه .. كينو غاري وفيل نيفيل يورك اندي كول اللي كان عاله بالآرسنال وجابه السير بمبلغ رخيص وصار مهاجم المنتخب و وو وو وو وو غيرهم من هاالاسماء

الكلام يمكن ماهو مرتب معليش بس ابيكم تفهمون الزبده واتمنى محد يرد علي الا وهو قاري هالكلام كله .. صدقوني راح يرجع المان بس نصبر شوي واذا على البطولات الهلال ماراح يبخل علينا

بإذن الله .. خلوكم متفائلين وراح يرجع السير اليكس فيرغسون صاحب المعجزات اللي ما يقهر .. وراح تتذكرون كلامي هذا ان شاء الله ..

المهم انسسسسسسسوا هالخساره مثلي .. طلع البارسا وطلع الريال وطلع ارسنال وطلع وطلع وطلع ومحد تهجم على مدربهم مع انهم لا يملكون السير اليكس فيرغسون و تأكدوا انه مافي مدرب بالعالم يصير زي السير لا مورينهو ولا فينغر ولا كابيلو ولا لوكسو ولا ريكارد وووووو الخ من المدربين الكبار .. اهم شي بكره مهوب من اول خساره نرجع لنفس الإسطوانه

يا ويله اللي بيسويها

.. ويا حبيلكم ..

اسف على الأطاله بس هذا كلام بقلبي صارله زمان بداخلي قلت اقوله لكم وبعد نهايه الموسم راح نشوف وش يحتاج الفريق ونتناقش في هالسالفه ..

باي باي [/align]