السلام عليكم ورحمة الله وبركاته
عافاكم ربي على هالمجهود يا شباب
الحقيقة الكل متفائل مع هاليوفي الجديد واللي يدعم هالتفائل استراحتي الجديده
يؤ يؤ قصدي الملعب الجديد
طبعا كل هالنتائج ما توكل عيش لان المحك الحقيقي للفريق هو المباريات الرسمية
الشيء اللي كان ناقص اليوفي ايام روكي وديل ثوري هو الثقة بالنفس وعدم امتلاك الكورة
وللاسف الفريق ما يظهر الا قدام الميلان والانتر لان المعنوية تكون موجودة
والا لو نرجع لسيناريو المباراة بنلقى اليوفي محظوظ لان الفريق كله يدافع ويعتمد على المجهود البدني والروح فقط
وللاسف تختفي هالامور قدام كييفو وبارما وكاتانيا ........... الخ
ننتظر المباريات الرسمية
صراحة مليت من الانتظار
الموسمين اللي راحو ماتابعت اليوفي بشكل مستمر لان تسبدي كانت حايمة
يمكن اول موسم فيرارا لين اول شوط من مباراة ميونخ اللي اكلو فيها 4, ومن بعدها وانا ساحب على الفريق
وديل ثوري تابعت مباريات قليله لكن النفس عافت اللي تشوفه فسحبنا على الفريق
هالموسم فيه بوادر ومؤشرات تخلي الواحد يتابع اولها الملعب الجديد
مازلت مصر اني احتمال اصيح اذا دخلو اللاعبين للملعب في مباراة بارما
