نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة عشاق فالنسيا ♥ الخفافيش ♥ 2011 / 2012 ||

ץάмύйτ έмέя · #279 31/07/2011, 02:38 PM

إقتباس


	هذا اللي كنا نصيح ونطالب به من اول.

نصايح فيه اذا كان عندك لاعب شاب يستاهل
اما نطالب ايمري يلعب لاعبين فاشلين صعبه
ايمري جرب اكثر من لاعب واكتشف انهم فشله وطردهم
منهم مدافعين واذكر بـ الذات واحد الخال

إقتباس


	الله يبشرك بالخير ومتى التوقيع والاعلان عن الصفقه. ياذيبان يا بروليو قايلكم الرجال ذيب مايفوت عليه شي اما لو نجيب معه عبدالله بن مساعد كان اخذنا مسي بريالين

فيه اخبار ان الاعـلان بيكون اليـوم
اغلب المواقع تقول مسألة ساعات فقــط

إقتباس


	أدري إنه مهوب حظ أستهبل بس و عارف إنها تحسب له ما فيها كلام بعدين وش سالفة الكرات الثابته ؟ معقوله حنا أكثر من سجل منها ؟ بركاتك يا أدوريز خخخخخخخخخخخخخخ

نعم فالنسيا اكثر نادي استفاد من الكرات الثابته
والخبر ماترجمته لانه جاء في فترة توقفت فيها عن الترجمه

إقتباس


	والله إيمري عاجبني يوم عطاهم الفرصه بـ عكس الموسم الماضي

الموسم الماضي اعطاء الكاسير و ايكسو و روبيـو
الكاسير اثبت انه باقي صغير
ايسكو لعب كذا مباراة مع الفريق الاول
روبيـو كان احد اهم ركائز الفريق الثاني
وفي هـ المعسكر غاب الكاسير و روبيـو الاول بسبب مشاركته مع المنتخب والثاني بسبب الاصابه

إقتباس


	ما كانوا ياخذون ذيك الفرص " بيرنانت ، بورتو ، باردو " الثلاثه ذولا بـ الذات يستاهلون أكثر و ليته مع بداية الموسم الجدي يصير يعطيهم فرص لو مباريات الكاس

الي اثبت نفسه بشكل ممتاز هو بيرنانت
الباقي يحتاجون وقت ، بالذات بورتو الي شفته لعب في الظهير الايمن

إقتباس


	و على فكره ، حنا دايم نتكلم عن ضعف في الكانتيرا من ناحية الشباب و هـ الكلام ممكن يكون صحيح في فترات سابقه ، لكن حالياً ما أشوف فيها ذاك الضعف مسألة إنه يكون عندك 4 مواهب على الأقل و يطلعون بـ فتره وحده تبيّن لك إن الوضع جداً متحسن عن الأول

الكانتيرا ماهي في افضل حالاتها
والدليل ان فريق المستايا كان في الدرجه الثالثه وتوه صعد لـ الدرجه الثانيه ب
واذا فعلا فيه تطور المفروض نشـوفهم في الدرجه الثانيه أ الي يشارك فيها برشلونه و فياريال
صح وضعهم تحسن لكن باقي نحتاج لـ التحسن اكثر
و لورينتي صرح اكثر من مره بضرورة الاهتمام بشكل اكبر في الكانتيرا خصوصا في ظل وضع النادي السيء ماديا

إقتباس


	يستمرون بهـ الطريقه النادي بـ يستفيد من الأسماء هذي كثييير ، خصوصاً صديقي الجديد بيرنانت من الآن أقول لكم " بيرنانت " حقي لا أحد يفكّر مجرد التفكير إنه يحتك فيه ، و اللي يحاول يحتك بمنعه من المشاركه بـ الرابطه

الله يستر بــــس
من كلامك هـذا بنشوفه بعد اسبـوعين في ملقا

إقتباس


	لا بروليو ماله دخل أبداً ، هو حط باريخا كـ خيار أول و اللاعب يبي فالنسيا بـ اللي هي لكن المشكله في فريقه اللي رافض يتخلّى عنه بـ أقل من 14 مليون و هذي كثيره ! إستمر بروليو يفاوض سبارتاك و بـ الوقت نفسه بدا يفاوض مانغالا ، وافق فريق الخال و الخال بعد وافق ، ثم طلع علينا مدير أعمال التبن وقام يقول عندنا عروض أكبر ! إدفعوا أكبر من المبلغ المتفق عليه ! وش يسوي بروليو مع واحد مثل هذا ؟ و الحين نشوف إن فيه كلام عن أوغبونا ، دليل إن الرجال يشتغل و يسوي اللي يقدر عليه !

حتى ولو التأخير ماهو في مصلحة الفريق
الحين بنبدء في المباريات الوديه القويه والدفاع باقي يحتاج لـ اثنين اساسييـن
يعني بيتغير 50 % من الدفاع وهالشي يحتاج لـ تأقلم ومباريات وديه
وحتى ايمري اجتمع بـ بروليو وطلب منه تعجيل التوقيع مع مدافع

و رغم هـ التأخير في صفقة واحده الا ان بروليو قدم شغل خرافي لـ الفريق
واثبت نظرة لورينتي فيــه

إقتباس


	لا ترفعون بـ بروليو هو يمكن أخذ الموافقه من كاناليس صحيح ، لكن الصفقه هذي بـ الذات تحسب لـ لورنتي هو اللي فاوض إدارة الريال و قدر يستغل علاقته الكويسه مع الدب بيريز بـ إنهاء الصفقه لـ فالنسيا

صحيح في خبر السـوبر مكتوب ان العـلاقة بين لورينتي و بيريز هي الي سهلت المفاوضات
لورينتي و بروليـو وعدو بـ تكوين فريق شاب متميـز
وجالسين نشوف كلامهم يتحـقق حتى و وضع النادي سيء ماليا

لـ ذلك الله يوفقهم وامونت لهم اثنينهم