نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ||● رابطة عشاق زعيم انجلترا 2011 - 2012 ●||● Glory Glory Man United ●||

الوافي001 · #1 25/07/2011, 02:53 AM

إقتباس

الرسالة الأصلية كتبت بواسطة zezoo00oo


	السلام عليكم الووافي .. لك وحشه وش اخبارك انت وبرباتوف ؟ للحين علاقتك معاه حلوه ولا كرهته ؟ ،و وش رايك بلقب الهداف ؟ السير ابخص مب كلمه او اسطوره عشان تنتهي شي انت مومن فيه رغم انك في شكوك حوله تام بصحته مثال 1 تيفيز مثلا اليوم بانت وحده من اهم اسباب ان فيرقي مايجدد معه ! نرجع نشوف ان بنفس الموسم طير رونالدو بمبلغ خورافي .. ليش ماجدد مع تيفيز ليه يفضي هجوم الفريق ؟!! طلعت الحين نقطت الحماس عند تيفيز و الرغبه !! فيرقسون للحين ماعنده فكره ، واضحه ليوم اعتزاله اغلب اجاباته كانت عندما افتقد للرغبه !! فتخيل لاعب عمره 24 25 يقولك انه بيعتزل 30 !! الشي الثاني بخصوص الاحتياط لايفرا فتراك جايب 2008 مع الدوري ، واحتياطك لليمين ، و اليسار اوشي هههه بخصوص الظهير الايسر فانا ماقتنعت بايفرا عشان نجيب له احتياط .. ظهير زبال اول مره اشوف له اوفر بمباراه ال 7 لا يشوت لا يعكس لا يغطي صح يكسر تسلل يتفنن بالتخليص ( راجع مباراه ايفرتون 3-3 الهدف الاول ) ازين مافيه حمار مكده خخخخخخ \ بخصوص التشكيله بالذات المحاور نعاني منها بشكل خورافي لكن بكل الاحوال ك سوء تشكليه الموسم الماضي ببدايته لنهايته اسوء تشكيله ممكنه بالـذات الدفاع الاحتياطي الوحيد هو ايفانز !!!! الوافي بما ان لك نظره باللاعبين ماتحس ، ويلباك بيقدم موسم خورافي ؟ النقطه الاهم سيد وافي ،، ماتحس المملوح جونز ممكن يلعب بالمحور ؟ النقطه الاخيره احساسي يقووول لسا في صفقه لليونايتد وش رايك ؟ بالنهايه ، وامام الجميع اعترف لك باني اكن لك كثير من الاحترام والسير ابخص

عزوز وش ذا

.. شوي شوي علي .. خذني حبة حبة .. مب ترميلي كل ذا المشاعر الجياشة ( لي يومين اقرا كتب ومتحمس قلت اوريكم ان عندي كلمات

)

شف بما اني انا وياك كل واحد يقول للثاني انا احسن منك بالتنسيق .. فابحطها نقطة نقطة وانت ارجع لمصدرك

..

بالنسبة للسير ابخص .. صدقت والله .. كلمت انتهت قوية شوية لكن كان في بالي انتهت كاسطورة لكن تضل موجودة .. يعني قبل لما السير يلعب براون ظهير كنا نقول السير ابخص وكان ما احد ينفس .. الحين نقول السير اخص نسمعلنا كم نفس من الجيران ومن الدول المجاورة

.. بالنسبة لتيفيز .. يالله لك الحمد ان السير ما جدلله .. على حركاته نهاية موسم 2009 وانه بيقلب الجمهور على السير حركات اطفال تمشي على مانشيني على قوارديولا .. لكن تجي لجمهور وبتحاول تقلبه على مدرب دربه 23 سنة وسوا معهم انجازات .. صحيح كان فيه بعض الجماهير تصفر على السير لما كان يطلعه .. لكن من اول مباراة ضده حس انه اكل مقلب جامد اوي

..

بالنسبة لموسم 2008 .. كلنا نذكر يا مستر زيزو

ان هاري وفلتشر كانوا يلعبون يمين .. وكان برضو فيه سيمبسون اللي الحين مع نيوكاسل ..حاليا ما عندك لاعب زي هاري او فلتشر ممكن يلعب باكثر من مركز .. يعني لو يصاب ايفرا وواحد من التوائم بنشوف سمالينق او ايفانز .. ومع احترامي لاثنينهم ما يصلحون اظهرة حتى لو كان طوارئ .. بالنسبة لنقطة ايفرا .. اوافقك الرأي حاليا .. لكن لما كان فيه العبد .. كانوا مكونين جهة يسرى قوية .. لكن يضل افضل من غيره .. رافاييل حتى بطفاقته افضل من اخوه .. ياخي تحسه يعرف متى يكون مطفوق ..

اما نقطة جونز والمحور .. انا لما طلع كلام ان جونز بينتقل لمنا كانوا يقولون انه يلعب بقلب دفاع و يقدر يلعب محور .. لكن امس ايقنت يقين تام انه ما راح يلعبه بغير مركز قلب الدفاع .. انت شفت لما دخل الريو راح سمالينق يمين واستمر هو قلب دفاع .. بعد ما دخل ايفانز برضو استمر قلب دفاع .. يعني اثنينهم لعبوا اظهرة وهو لا .. فمن باب اولى ما راح يلعبه بالمحور

.. مع اني سبحان الله اللاعب القتالي مثله ومن هم على نفس نمطه وطريقته احبهم بالمحور .. ياخي تحس بذا المكان تحتاج كلب

الله يكرمكم .. يبتل ورا الكورة وما يتركها .. لاني اتوقع جونز من النوع اللي ما تضمنه عادي يتقدم على الكورة مسوي فدائي ما يدري الا هو متعديته وهوبا قووول .. فاتمنى اشوفه بالمحور ..

بالنسبة لويلباك .. كلامك عن نظرتي

خلتني ما اعرف وش اقول .. لكن لا جيت للجد .. هي تعتمد على السير بشكل كبير .. انا من ناحيتي لو ابفاضل بينه وبين ماكيدا مين تعطيه فرصة ابختار ماكيدا .. لكن ان كان السير بيعطيهم اثنينهم فرصة ما ابغى اشوف ويلباك يطب منطقة الجزاء لانه للاسف يضيع كثير .. لكنه برا المنطقة وخصوصا على القوس يعجبني .. وفي الزحمة برضو ممتاز وكنتروله على الكورة بطل .. لكن من متابعتي له ممكن في النصف الثاني من الموسم مع سندرلاند بعد ما رجع من الاصابة ان تمريراته حلوة لكن مشكلته يتفلسف الله يهديه .. اما مع منتخب تحت 21 فكان مكون ثنائي بطل مع ستوريدج .. صحيح ما جازلي بالبداية لكن بكل صراحة الرجل خطوته كبيرة ورجله تلخم المدافع .. بس برضو افضل تعطى الفرصة لماكيدا ويشتغلون على مهارته وكنتروله لانهم للاسف تعبانين ..

اما الصفقة .. والله على كثر ما شفنا السير بصفقاته اعتقد حتى ديفيد جيل نفسه ما يعرف .. والله ياهو يلخم .. لاجازيتا تقول ان مبعوث اليونايتد يفاوض روما على فوزشنيش ( سهل النطق صعب الكتابة هههههههههه ) وعادي يسويها السير وتصير نص تشكيلتنا هجوم .. 2008 و2009 كانت ثلاث ارباع تشكيلتنا محاور .. يعني عادي تشوفون ذا الشي يصير .. واقولها بكل وعيي بذا النقطة السير ابخص .. اتوقع ان السير قاعد يبحث عن محور وانا متاكد من ذا الشي لكن يبغى يشوف وش اخرتها مع شنايدر .. ان ماطلوا خلاص عنده لاعب ثاني في باله .. عادي ممكن نشوف امفيلا او ديفور ..

بالنسبة لبرباتوف يا عزوز .. ما نقدر على زعله

.. في مرحلة من الموسم الماضي وخصوصا لما كان عز الشتاء .. كان بيرباتوف يستهبل .. كنت اقول لو تجيبله اطلق مدافعين العالم على مر التاريخ ومان تو مان شرط ان يجرهم .. هدفه الثالث على بلاكبول سببلي ازمة نفسية

.. واثبتت مقولتي ان الثقة اهم من معطيات اللاعب من مهارات وغيره ..اما جائزة الهداف فيستاهلها قليبي

.. انت قلي وش سويت لما انتهى الموسم وناني اكثر اسيست هههههههههههههههههههههه ..

عزوز يعلم الله اني كنت اكثر واحد معارض لرئاستك .. بكل صراحة .. ردودك قبل لا تصير رئيس كانت موضوع بلحالها ومن دون مجاملة .. وكنت اقول ذا الرئاسة كل من ياخذها يجيه شي

.. اللي يتهاوش مع مدري من ويتوقف .. واللي خلاص انتهى طموحه برئاسة رابطة وما صار عنده دافع انه يكمل .. واللي يختفي وما نشوف وجهه ( تراني اقصدك بهذي

)

ودعت اليوم واحد من اعز اصدقائي مسافر لنيوزلندا .. يا ذا الاخوياء اللي قاموا يخلصون

اللي سافر واللي سافر واللي سافر واللي سافر ..

شباب .. ما احب النقاشات الطويلة عندي نقاش عبارة عن سؤال واحد .. و خذ راحتك سواء سطرين او صفحتين فيه شي في بالي وابغى اراجعه معكم ..

من احسن لاعب تشوفه مع مانشستر من بديت متابعة مانشستر .. سواء من 1990 او 2011 .. ما ابغاك تكتب تاريخ لاني من واقع خبرة ثلاث ارباعنا بيقول من 1993

.. لا ابغى تقول من بديت اتابع احسن لاعب اشوفه هو فلان .. واسردلي ليش انت تشوفه احسن لاعب وعطني كم مباراة او لقطات بالاسم من دون فيديو لما شفتها مسكت راسك وقلت هذا طبيعي !!

انتم خلصوا وانا راح اقول من هو حقي

.. لانه راح يكون مفاجئة ..