هي تقول ليه الليل ما يطوي ستاره
وأنا أقول ليلك من مهابتك وقف لك
__________________________
هي تقول ليه البدر مكسوفة أنواره
وأنا أقول كل بدرونا البيض تكسف لك
__________________________
هي تقول ليه الغيم يهدي لنا أمطاره
وأنا أقول هو مثلي من الحب يغرف لك
__________________________
هي تقول ليه الود ما تنضج ثماره
وأنا أقول خلي الحظ يكبر ويقطف لك
___________________________
هي تقول سولف لي عن الحب وأسراراه
وأنا أقول خلي نبض قلبي يسولف لك
__________________________
هي تقول ليه الثوب مقطوعة أزاراه
وأنا أقول قلبي فر مني يتلقف لك
_________________________
هي تقول قرب ضم قلبي على أسواره
وأنا أقول ضميني يا يمه وأنا طفلك
_______________________
