| بالعكس انا اشوف من ابرز الايجابيات ضم نور للمنتخب لسببين الاول المستوى الفني المميز واللي مايشكك فيه عاقل
والثاني والاهم ان المنتخب بحاجه لقائد داخل الملعب وانا اشوف بعد اعتزال سامي المنتخب فقد الشيء هذا ومعروف عن نور شخصيته وقياديته داخل الملعب فنقول لعلى وعسى يشيل المنتخب من الوضع اللي هو فيه
ثاني شي ياسر من وجهة نظري ومن وجهة نظر الاغلبيه لاعب منتهي خلاص تكفون ملينا تطبيل والشلهوب والمرشدي ضموهم للمعسكر واستبعدوهم بسبب الاصابه والفريدي وياسر عدم ضمهم للمعسكر لنفس السبب
ولو اني اشوف انه اريح للفريدي خصوصا انه اتوه متزوج وصعبه بعد الزواج يعسكر يعني يبي يرتاح شوي
بعدين ياشباب روقوا تكفون تراها بطولة وديه ماتستاهل كل هالزعل هذا اول شي ثاني شي المنتخب بحاجه لوقفه من الكل وياليت نخلي التعصب وشعارات الانديه على جنب وندعم الاسماء اللي ضمها لاننا سواء رضينا يهم او مارضينا ماراح يغير شيء وراح يستمر عليهم عشان كذا ياريت ندعم المنتخب ونواف بن فيصل اللي جالس يسويه صراحه شي يبشر بالليل وتوقعاتي بالخمس سنوات الجايه راح يحترفون اغلب لاعبين المنتخب وخصوصا اذا احترف هوساوي لانه بكذا راح يفتح الباب للكل للاحتراف بس لو يشوفلنا حل مع واشطات الانديه حنا بخير  | 