|
تـــعــتقــدون الـــهـلال ماراح ينجح ...؟
السلام عليكم ورحمة الله وبركاته ...
صبآحكم .....؛؛ مسآكم ...... ,,, .. يارب كله خير وطاعه وعباده
جلستنا ياخوان جلسه قهوه وشاي وفله يعني الي يبي الفلسفه بصراحه انا ما اعرف واعتذر والي يبي صفصفه حتسي ما عندي وما تعوت عليه ..
راح اتكلم بشكل بسيط وبدون تعقيد وبدون خربطه زايده تعور الراس ويمكن حتى انا بعد ما افهم . بكتب موضوعي باسلوبي وبدون أي زيادة وكلافة وأتمنى حتسياتي تفهمونها وعطوني على قد عقلي لو فيه شي ما عجبكم ...
ندخل بالموضوع اطال الله في اعماركم على طاعته وبلغنا وإياكم شهره
بصراحة انا لاحظت بعض الاخوان يشطحون شطحات مالها سنع متشائمين بشكل غريب بجد . يعني جاي واحد يقول الزعيم بخار الموسم الجاي والثاني يقول اخاف يرجع الزعيم عام 2008 والثاني مدري وش يقول انا ما الومهم بس تكفون لازم تفهمون شي واحد لازم تثقون في كل من يوقف خلف الزعيم واولهم هالمشرفين واخرهم الله يخليه لنا اميرنا وامير قلوبنا عبدالرحمن بن مساعد . صدقوني كلهم يعملون ويتمنون اكثر مني ومنك . عورني راسي وانا أقرا مواضيعكم الي يقول هوساوي بيروح مع العلم حتى الان على كلام عبدالرحمن بن مساعد ولاستاذ حسن الناقور ماجا عرض للاعب مجرد كلام يمكن يكون صحيح بس للحين مجرد كلام والي يقول نامي بيروح والي بيقولي البرقان بيروح والي يقول عزيز بيروح .. فيه بعد باقي احد بيروح لايكون نسيت بعد احد ايه صح وياسر يقولون بيروح ..
خلونا نتكلم بشوي من الصراحه وبدون تقفيله مخ وخرابيط وكلام يعور قلبك وراسك
كلهم لو افترضنا بيروحون يعني تتوقع عبدالرحمن بن مساعد جالس يتفرج مثلي ومثلك ...؟
والي يهمني عبدالرحمن بن مساعد اعترف بغلطه التعاقدات المحليه للموسم الماضي يعني من سابع المستحيلات (يلدغ المؤمن من جحر ضب مرتين) ..!
الكل يشهد لرئيس نادينا بالحكمه والثقافه ولاتزان والصراحه وهذا ما يطمني انا شخصين على عمله وعمل كل من يقف خلفه ويسانده ...
صدقني فيه تعاقدات مثل محنى عارفين داخليه وخارجيه وكل شي راح يبان ...
ومصادري على كل كلامي هذا .!
الامير عبدالرحمن بن مساعد واراهن على جميع تعاقدات الهلال الموسم القادم وراح ان شاء الله تتذكرون كلامي
واهم شي المتشائمين ابيهم بعد اربع مباريات من الدوري الموسم القادم واشوفهم ان شاء الله مبسوطين ومغيرين هالعباسه على وجيهم واشوف الابتسامه 
والعذر ياخواني على التقصير فان اصبت في ما طرحت فمن الله وان أخطأت فمن نفسي والشيطان
واسال الله ان يبلغنا واياكم والمسلمين شهره الفضيل وان يتقبل منا ومنكم صالح الاعمال  | 