الموضوع: جــاكــم الــخــيــر .. امــطــار عــلــى الــريــاض ..
مشاهدة مشاركة بصفحة مستقلة
  #15  
قديم 27/02/2005, 03:52 PM
قرقاص قرقاص غير متواجد حالياً
كاتب مخضرم بالمجلس العام
تاريخ التسجيل: 11/01/2001
المكان: الدائري الشمالي
مشاركات: 5,720
مرحبا بالجميع ومبارك عليكم الخير
أمطار لم يسبق لها مثيل لدرجة انك بالكاد تشوف السيارة اللي قدامك !!! طلعت من البيت 2.15 رايح لدوامي ويوم شفت الدعوى امطار قلت اتجنب طريق الملك فهد وزحماته خاصة في هالجو خبركم عندنا افضل السائقين بالعالم فقلت اروح مع الطريق السريع خلف جامعة الملك سعود مافيه زحمه ولما وصلت الحي الدبلوماسي ماعاد اشوف الطريق من قوة المطر فقررت اوقف مع الناس اللي وقفت وانتظر !!! وكلمت زملائي بالمستشفى وقلت راح اتأخر << معي عذري واجلس 15 دقيقه ولما خف المطر مشيت واشوف ذيك الشوارع اللي تقول نهر الأمازون>>> صورة مع التحية لوزارة المواصلات في ذيك اللحظه تمنيت اني اقدر اسوي بسيارتي زي اللي في قراند ثيفت اللي بالبلايستيشن يقلب سيارته قارب لآن هذا اللي ينفع لشوارعنا بالمطر ولما وصلت المستشفى وقفت السيارة بالمواقف بس ماقدرت انزل لقوة المطر فجلست 10 دقايق ولاوقف المطر فقررت ابيعها وانزل ولاني سعودي اكيد سيارتي مافيها مظله فتوكلت على الله وحطيت الاب توب في كيس بلاستيك ونزلت ركض وماقدامي الا خيارين اني اوصل وانا ماخذ دوش بارد او اني ازلق في الموية ويودوني على قسم العظام لكن الحمد لله تحقق الخيار الأول ووصلت وانا اقطر مويه تقول طالع من مسبح
والحمد لله على السلامه
اضافة رد مع اقتباس