لا تآكلين خيار مع الرز ولا ... أبصيح !! ض1 " سوآلف صغاريّة "
السلام عليكم ورحمة الله جميعاً ..
مساء / صبآح .. الغبار والعج والجو الربيعي 
هالاسبوع عانيت أو بالاحرى عانينا أنا وأهلي من شخص به
حالة مدري وش أسميها ؟؟ تدخل في النفسية
هالشخص ولد اختي واسمه حمدآن
عمره سنتين ومابعد تكلم غير باسمي والباقي مشفر 
لكن .. مع كذا نفهم عليه وش يبي يوصل له 
إلا انه في الآونه الاخيره طرأت عليه حالة غريبة عجيبة
يبكي ويصارخ لأسباب خآرجة عن المألوف
أترككم مع الصور لشرح أبلغ
- اليوم الاول كانوا جايين عندنا " جمعة العايلة " كالمعتاد ..
وفجأة 
الوالدة : يا سته >> اسم شغالتنا
ودي الشاي المطبخ لا يلعبون فيه العيال الشغالة : جين ماما حمدآن : آآآآآآآآآآآآآآآ دع به يخيىبتياالمخوتلن > مشفر طبعا بس فهمنا
أنه يقولها حطي صحن الشاهي بالارض وعند المدخل والا بكمل صياح
عساس الازعاج طاوعناه وخليناه والرايح والجاي يخطر الصحن 
خارج النص : على طاري سته ,, مسكينه مابقى رقم الا ونادوها فيه
- الحالة رقم 2 :
بعدها بكمن يوم وفي وقت العشا طبعا لازم كل واحد بصحن
وهالصحن لازم ولابد وضروري يكون نفس الشكل واللون الطعم والرائحة
والا بتقوم هوشة بينهم تصل لحد تدخل الامن إن استدعى الامر 
وهم يآكلون ..
ومن غير سابق إنذار قام يصارخ 
وش السالفة ذا الحين !!
بعد مافكينا التشفير طلع يقولها لا تآكلين خيار مع الرز 
الكل مصدوم .. سلااااااامات وش يدخلك !!
وهو مواصل لا لا لا لا ,, خلوها مسكينه تبلع لقمتها
وبعدها قالوا لها لا عاد تاكلين خيار مع الرز 
....................................................
وقتها انا انقهرت وشو له ترضخون له كذا بيتعود ..
أمه : خلينا نرتاح من صراخه " مدري من عيّبت عليه عشان ابتلي بواحد"ن " زيّه
الله يصبرنا بس ..
........................................
- الحالة رقم 3 :
أمه : يلله يا عيالي بنروح بيت جدكم الثاني " يعني بيت اهل ابوهم "
اخته : يمّه لازم كل اسبوع نروح لهم >> ماتحبهم
هو : بن دعه يرة مهيسا قف برا صر هنا > مشفّر < يعني خلصونا بس 
أمه : زين الله هدآه ما سوّآ جنازة زي كل مرة 
مسكينه ما امداه قالتها إلا ويصارخ الولد
شالموضوع بعد !!!!
قال ايش : بعد معرفة معنى التشفيرة > ياتشيل الشباصة اللي بشعرها
وإلا بصيح ومانطلع 
بعد جهد جهيد عرفوا له وش يبي
.............................................
هالولد حالة عجيبة تستحق الدراسة صراحة
كل يوم لنا موّال معه
واللي يبط الكبد يرضخون له ...
الخوف لا كبر يجلس يصايح 
عـ قولة ابوه خوفي لا كبر ووديته معي المسجد
يقول للامام افصخ غترتك اول بعدين صل بالناس >> مااستبعدها عليه
.........................................................
مايستفاد من القصة ::
- لا تستمعون لطلبات الصغار التعجيزية حتى مايتعودون وبعدها
صعب تغيرون طباعهم ..
- هالشي بيخلي أخوه أو اخته إذا كان عنده يحس انهم يفضلونه
عليهم حتى لو هو صغير ..
- لا عاد تاكلون خيار مع الرز
قبل الختام :
رجاااء .. لا احد يطلب لي ارسم له لأن ماعندي وقت
والطلبات فوق المتوقع
( الله يهديك بس يا هلالي ميلاني كبّرت راسي بعد الرسمة الاولى )
+
شاركونا بقصص غريبة لبعض بزارينكم الأفذاذ 
|
اخر تعديل كان بواسطة » Ms. Star في يوم » 03/07/2011 عند الساعة » 11:37 AM | 