الأب : التخطيط قبل ثلاث شهور من موعد السفر بتحديد البلد واخذ المعلومات عنه والبحث عن طريق الانترنت عن المواقع السياحية والاسعار ووسائل المواصلات واختيار شركات الطيران الاقتصاديه والفنادق ذات الاسعار المعقوله وتحديد الميزانية وعقد اجتماع مع الاسره للتشاور واخذ آرائهم وان هذه الاجازه هي من اجلهم لأنهم اجتهدوا وتعبوا طوال العام ويستحقون الراحه والاستجمام .

الأم: تستعد بأختيار الاشياء الضرورية للسفر والتسوق لشراء الملابس التي يحتاجها ابنائها على حسب اجواء البلد وتحضير حقيبه للأدوية للحالات الطارئه.

الأب : تقرير الوجهه قبل السفر بــشهر ويحدد اكثر من بلد واقرب حجز فيه امكانية يقص التذاكر على طول ولا يفكر بسعر التذكره ولا فئات المقاعد واهم شي عنده ان الفندق يكون مطل على نهر او جبل او حديقة وفي الاخير الدريشه مايفتحها عشان محد يكشف على أهله و يجتمع مع العائلة قبل السفر ويقول لهم (ترا اللي بيزعجني هاليومين مهوب مسافر معنا ) .

الأم: تروح للسوق عشان تشتري ملابس السفر وتركز على الماركات مع العلم انها بتلبس عبايه ؟؟ وأهم الأغراض غلاية كهربائية وتمـر وقهوة وهيـل وفناجيل ورق . وقائمة من المشتريات وهدايا للمعارف .

الأب: متوتر .. مرتبك .. مهموم.. يصارخ.. الأوراق متوزعه في كل مكان من البيت.. الشناط ماكفتها السيارة.. يبي يطلع للمطار بسرعه عشان ما يشوفونه الجيران لابس بدله ... وفي الاخـير راح المطار ونسى حنفية المطبخ وباب المجلس مفتوح .

الأم: مشغولة في تمشيط شعر بنتها وتلاحق ولدها عشان يلبس شرابه... ولما ركبت السيارة تذكرت جوالها لكنها سكتت عشان زوجها ما يزعل .

الأب: ذهب للأستقبال ومعه اوراق الحجز وطلب كافة الخدمات من وجبة الافطار وخدمة الغسيل والانترنت وتأجير السيارات ومواعيد النادي الصحي وحمام السباحه .

الأم: ذهبت هي وابنائها في جولة في حديقة الفندق حتى ينتهي الأب من اجراءات الدخول للفندق .

الأب : " يـــس ...نو .. قود ايفييننق ..<< اتضح انه ما يعرف انجليزي .

الأم: فيــصل تعال .. فهد لا تلعب بالاصنصير .. نوره وخري عن القزازه لا تكسرينها .

اليوم الأول :
العائلة الاجنبية :

الأب : استيقظ في الساعة السابعة صباحاً و نزل الى بهو الفندق للسئوال عن الكتيبات السياحية وانتظار نزول بقية العائلة لتناول الافطار والخروج لبداية جدول الرحلة باكراً.
الأم: الاستعداد للرحلة بأخذ حقيبة صغيرة فيها بعض المأكولات الخفيفة لأبنائها وبعض الغيارات .


ا

اليوم الأول
العائلة الخليجية :

الأب : صحى من النوم الساعة 10 صباحا حاول يتصل بالاستقبال عشان يعرف اتجاه القبلة لكن ما فهموا عليه بسبب اللغة ونزل بسرعه عشان الفطور ولكن للاسف موعد الافطار انتهى .
الأم: جلست ساعه تدور فيش عشان غلاية المويه تبي تسوي قهوه.

الأماكن السياحية :
العائلة الاجنبية :

الأب : احضار خريطة تبين كافة المواقع السياحية وشرح تفصيلي عنها بالمعلومات والاسماء وقام بشرحها لعائلته وابنائه وقضاء اليوم بأكمله في موقع واحد .
الأم: تقوم بأخذ الصور لأبنائها وزوجها للذكرى .

ا

لأماكن السياحية :
العائلة الخليجية :

الأب : كل ما راح لمكان ولقاه زحمه يروح لمكان ثاني حتى لقا مكان مناسب لهم لكن المسئولين عن الموقع السياحي قالو له قدامك ساعه حتى موعد الاغلاق .
الأم: لحد اللحين تفكر في جوالها اللي نسته وكيف بتكلم اهلها .