|
شكرآ للجميع وبالأخص (سامي-ابو اثنين-المرشدي-الخالدي-عيسى)
السلام عليكم ورحمة الله وبركاته اخباركم يازعمآء .؟ مبروك عليكم العطله هآرد لكم خسآرة لقب الملك بالظلم الحمدلله ع كل حال  اولآ من لايشكر الناس لايشكر الله ثانيآ انا بالموضوع احب اشكر رجآل يستحقون كل الشكر والعرفآن مننا والشكر قليله بحقم لتضحيتهم طوال الموسم لأجل الجمهور ونادي الهلال وهــم :- الأمير الغالي عبدالرحمن بن مساعد الأمير الغالي نواف بن سعد حبيبنا سامي الجابر ملجم اعداء الهلال عبدالكريم الجاسر أعضآء مجلس الاداره وأعضآء الشرف عمآل النادي وأحب اشكر جميع اللاعبين على روحهم وادائهم بمباراة الاتحاد طلعوا بمستوى مشرّف وبيضوا الوجه وانا بالموضوع خصصت ثلاثة لاعبين مو تقليل بالباقين لا والله بس هؤولاء الأبرز بالمباراة  (دايم مظلومين من جمهور الهلال ) وعلى اي زلّه يحاسبوهم خاصه المرشدي مآجد المرشدي: (صخرة دفاع الهلال) لأداءه المرتفع بمبارتي الاتحاد كان هو اللاعب اللي ثابت مستوآه بـ(الذهاب والاياب) وبشهادة المحللين والناقدين مستواك بدأ يرجع مثل اول وأحلى وطمنتنا عليه استمر يابطل وجمهور الزعيم وراك ( ماقصرت يا ماجد ) سلمان الخالدي :-(نجم الدفاع القادم) عوضنا عن غياب اسامه هوساوي ولا كأننا فقدنا مدافع كبير بحجم هوساوي وأزعج مهاجم الاتحاد زياييه ماخلاه يعدي منه (ماشاء الله ع الخالدي) لدرجه ان زياييه اضطر انه يعطي الخالدي انواع واشكآل الأكواع بس الحمدلله انه طلع بالسلامه من زياييه (كفيت ووفيت يالخالدي) عيسى المحياني:- ( كل عقده ولها عيسى ) بين كل مباراة ومباراة تثبت انك المهاجم الحقيقي اللي يتمناه كل هلالي وابداعك ومستواك الحمدلله كل شوي يرتفع المفروض طول الموسم وأنت اساسي حرام الموهبه هذي تصير بالاحتياط  ودايم عند حسن ظننا ياعيسى ( الله يوفقك دوم ان شاء الله) سامي الجابر وفيصل ابو اثنين :- كلمة الشكر ماتوفيكم حقكم يالغوالي سامي شكرآ لقبولك المهمه الصعبه والاوقات الحرجه لقيادة الزعيم وشكرآ لأنك رجعت الروح الهلاليه التي غابت من دوري ابطال آسيآ فيصل ابو اثنين شكرآ لوقفتك مع الهلال بالوقت الصعب ولا هي غريبه دعمكم ووقفتكم مع الهلال مباراة الوحده ان شاء الله تكون خير ختام لمباريات الهلال بالمستوى والنتيجه بإذن الله كل التوفيق لإدارة الهلال في اختيار اجانبها الجدد والمدرب الجديد وبإذن الله ينجحون معنا والسلام عليكم ورحمة الله وبركاته  | 