نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة ♥ عشاق الملوك ♥ 2010 / 2011 ♥ ||

Night$Wolf · #20157 19/06/2011, 12:37 PM

السلام عليكم ورحمة الله وبركاته

كيف حال الشبيبة
ميغسي بيكو لكل اللي بيسألوا عني

وإن شاء الله راح نكون معكن في الفترة الجاية كلياتها

نبدأ بخوينا أبو تشبيه

اجل اجويرو زي السادات وعبدالناصر

عليك تشبيه
بس ماعلمتنا وش الفيلم اللي كانوا يتفرج عليه انور وجيهان

هذه مشكلة اللي يتفرج على برنامج
حدث في مثل هذا اليوم
وبعدين يخش الرابطة

واصل ياوحش

نروح لأبو أصيل

وفتكوته

إقتباس

الرسالة الأصلية كتبت بواسطة بطولات زعيم


	ليش اغويرو بداية هو لاعب يجيد استلام الكرة امام المدافعين والانطلاق والاختراق بسهولة صحيح ان البنز يملك هذه الخصلة ولكنه يحتاج للكثير ليصبح سلس جدا كاغويرو تذكر لقاءات البرسا وخيخون وذهاب سوسيداد واوساسونا الاياب لو كان لدى الريال من يجيد ما يفعله الكون لوجد المفتاح للفوز مورينهو يعلم ان فرق الليغا بدأت التركيز على منطقة المناورة وقطع التمريرات والتكثيف والكون هو المفتاح المفقود لتشكيلة ريال مدريد السلسه التشكيله الحلم للفلورو ومشروعه المبني على المستقبل صدقني سيتكيف سريعا بجوار كريس ودي ماريا

خلني اركز على الكلام اللي باللون الأحمر

زي ماذكرت قبل في رد سابق
إن اجويرو ماراح يضيف تكتيك جديد للفريق قد ماهو إضافة لنفس التكتيك

بمعنى
وجود الأديب وهيقوين والبنز في هجوم الريال
يساعد المو على وضع اللاعب على حسب خطته وتكتيكه
لأن كل لاعب له ميزته وإماكانيات تفرقه عن المهاجم الآخر
وشرحت وجهة نظري على استخدام المو للثلاثي الهجومي في مباريات الكلاسيكو الأخيرة

وإن الأديب يتميز بالطول والبنية الجسمانية ويفيدك جدا مع الفرق الانجيليزية اولفرق اللي تتكتل حول مرماها وتقدر تعتمد على الكورات العرضية والعالية

وإن هيقوين يفيدك جدا إذا بتلعب برأس حربة صريح قادر على الاختراق من العمق والتمركز الممتاز والابتعاد عن التسلل وقادر على خلخلة خط دفاع الخصم خاصة إذا كان الخصم دفاعه يلعب متقدم وعلى خطة التسلل

وإن البنز (وهو مربط الفرس) نفس الكلام اللي قاله فتكوتي عن اجويرو

بمعنى إن الاستغناء عن الأديب وقدوم اجويرو
راح يقلل الخيارات التكتيكية للمو في الهجوم
لأنه استغنى عن حل هجومي تكتيكي متاح له
وأحضر حل جديد هو في الأساس عنده مثله
لكنه يشوف إن اجويرو ممكن يقدم افضل من البنز

وصارت المحصلة تواجد ثلاث مهاجمين
مايقدرون يفيدونك إلا في خطتين فقط
واحتمال وحدة بعد إذا انصاب أو طاح مستوى هيقوين

فسؤالي لأبو فتكات
وين الفائدة اللي طلعنا فيها من قدوم اجويرو للريال الحالي؟

وبالنسبة للأمثلة اللي ذكرها من المباريات
مباراة الخمسة حقت البارسا
فريقنا كله كان غايب بأمر مورينهو
فالهجوم ماهو سبب الخسارة

ومباراة اوساسونا وخيخون
مشكلتنا كانت غياب مفاتيح اللعب (الونسو ومارسيلو)
وليست لغياب المهاجمين
خاصة إن البنز في مباراة خيخون كان مصاب اصلا

اما سويسداد مادري وش يقصد لأن الفريق فاز هاب وإياب على سويسداد

بالنسبة للجزء الأخير من كلامه اللي بالأحمر
وهو طبيعة الدوري الأسباني تتطلب لاعبين مثل اجويرو واللي هو الحلقة المفقودة لتشكيلة الريال

كلامه مختلف معاه جملة وتفصيلا

الفرق الأسبانية ككل تعاني دفاعيا
ووجود رأس حربة صريح حق صندوق اخطر الف مرة على دفاعات الفرق الأسباني من مهاجم بإمكانيات اجويرو أو البنز أو حتى فيا (طبعا ميسي وكريس حالات استثنائية)
والأمثلة كثيررررررررررررررر

الرود نيسترولي
وش المهارة اللي عنده بره ال 18 ؟؟؟؟؟
كم مرة شفناه يسحب لاعبين وثلاثة؟؟؟؟
واحد نظامه عطني الكورة واجيب لك هدف وانتهى الموضوع
مهاجم صريح
ماعنده ذيك الإمكانيات المهارية زي اجويرو او اللي مثله
وحصل على هداف الدوري مع كابيلو

ريال سوسيداد عام 2003 اما كان ينافسنا على الدوري وماخذنا الدوري إلا في آخر جولة كان لاعبه الصربي داركو كوفازفتش هداف الدوري الأسباني
رغم إنه لاعب ماعنده ابجديات المهارة الفردية خارج ال 18

خذلك امثلة حالية

ليورنتي اتيلتك بلباو
تتوقع لو بلباو عنده وسط زي الآودم كم بيكون ترتيبه في سجل الهدافين

تريزيجه وفالديس حقين هيركوليز
تتوقع لو كان عدهم فريق صاحي كم هدف ممكن يسجلون

خلاصة كلامي عن قدوم اجويرو
وبما إن فارس قاعد يشبه

خليني اشبه انا بعد

كأن معاك كورولا 2011 قير عايدي (البنز)
وطفشت من القلق في زحمة الرياض وكل شوي تغير بين الأول والثاني والثالث
رحت وجبت كامري 2011 (اجويرو)
صح احسن من الكورولا بشيء بسيط
لكن مشكلتك مع الزحمة ماتغيرت

فيا تجيب جيب فور باي فور اتوماتيك (دروجبا) او فورد جديد (ليورنتي ) والا خلك على الفورد 2000 اللي عندك (الأديب)

تشبيه واضح وصريح وينفهم
ومايحتاج تقعدون تفكرون وش الفيلم اللي تفرج عليه السادات

عاد بالنسبة لسالفة نيمار
عندي قناعة من الأساس
لاعب من امريكا الجنوبية خطأ كبيرررررررررررر يجي دايركت من ناديه لأندية الصفوة في اوروبا زي الريال وغيره
لازم يمر في هولندا وفرنسا وتوابعها موسم موسمين
يقوي عظمه ويفهم النظام الأوروبي اللي موب كله نظام تسحيب من حارسنا لحارسهم

وبعدها يجي للريال

هيقوين جانا وصبرنا عليه سنتين لين صار بني آدم يعرف شيء اسمه مرمى
والله يخلي نيسترولي بس

روبينهو جانا وقلبها مرواح وخرابيط يحسب نفسه في الكوبا كابانا
وبعد موسم وشوي ضبطه كابيلو وسلمه صح لشوستر

هذه نقطة
النقطة الثانية

طبيعة اللاعب البرازيلي
في العموم اللاعب البرازيلي بصراحة موب وجه نعمة

تلقاه سواق تاكسي والا بياع خضار
وجته فلوس وهو بزر وخذ عندك عاد دشرة وصياعة وفضائح ونظام ادريانو ورونالدينهو

إذا بيجي وينطلونه إعارة في الدوري الهولندي أو الألماني عشان يسترجل شوي
وبعدين ناخذه
اؤيد وبقووووووووووة

لكن دايركت من البرازيل لين عندنا
العواقب غير مضمونة
لأسباب تم ذكرها آنفا

كلام كبير

هذا مافي جعبتنا الآن

راجعين

للملوك

ابو تولين