بسم الله الرحمن الرحيم

إقتباس أكد صاحب السمو الملكي الأمير سلطان بن سلمان رئيس الهيئة العامة للسياحة والآثار أن المملكة العربية السعودية تمتلك مقومات سياحية ثرية واصفاً إياها بـ"الجوهرة" الثمينة لما تكتنزه من مقومات تجعل منها وجهة سياحية مميزة، ومطالباً الجهات المشرفة على الخدمات المتعلقة بالسياحة ببذل المزيد من الجهد لتطوير هذه الخدمات....ومن أهم هذه الجهات: مهرجان الرياض للتسوق والترفيه، روزنامة الفعاليات الالكترونية، برنامج لاتترك أثر (الهيئة العامة للسياحة والآثار)، صيف الشرقية لأمانة المنطقة الشرقية، صيف نجران، صيف بريدة، صيف المذنب، مهرجان أبها يجمعنا، مهرجان النماص، مهرجان صيف جازان، مهرجان الصيف بالقريات، الجوف حلوة، مهرجان جده غير، صيف الطائف، سوق عكاظ، ملتقى صيف تبوك، حقلنا وناسة، ضبا دارك والبحر جارك،

,, بالله ما كأنه شعار باسكن روبنز














طبعا هذي شعارات مهرجانات ربوع بلادي ,, وصدقوني لو منزل هالموضوع قبل 5 سنين
نفس الشي ,, ترى شعار حق الرياض ترفيه وتسوق له 4 سنين ماتغير عشان محد يقول ليه ماقلت لي
المشكله مع احترامي مافيها ولا شي يجذب يعني مع احترامي طبعا لكل المدن ,,






الرياض ترفيه وتسوق
!! .. نشيل كلمه ترفيه لاني اعتقد انها خطأ مطبعي ,,
يعني هذا مرتبط بموضوعي السابق ,, الرياض كلها اسواق باختصار يعني
الرياض .. فراغ وتسوق للعوايل فقط .. بالله وش ذنبي كـ شاب اعيش فـ هالديره لا فعاليات لي الا شي واحد
ملعب الملز ,, من 10 سنين وهم سيرك*سيرك يجيبون لي اثنين من روسيا مدري من وين
ويستخفون دمهم بسياكل ويطبون من مسافه قريح متر على سطل مويه والعالم تصفق ,, وش هالسماجه
والدخول مجآني وثلاث ارباع الموجودين بنقاليه وباكستانيه وابو يمن كأنك جالس تشوف مباراه باحد الدوريات القطريه او الاماراتيه





مهرجان الشرقيه ,
, <~~ اهل الشرقيه بيقولون اللحين فكونا ياهل الرياض
مسوين فيها جنيف اللحين ,, تر الفرق بينا وبينكم [ بحر ] ,, ولا نفس الاجواء
وكل شي
تخيلوا الشرقيه بدون اهل الرياض فـ الصيفيه ,, نتخيل المنظر 5 دقايق بس ونرجع
نكمل الموضوع <~ عايش الدور مغمض ,
بالله بتكون فاضيه لا في احد يلعب مراجيح والمطاعم كلها على 11 بتكون مسكره من الطفش
وقهوه الفوازيه بتفضى <~





صيف القصـيم
قبل كم سنه شايف بقناه المجد مسوين مهرجان اكبر بطيخه [ جحه ] ,, مدري رايح اصيّف ولا متعشي ورايح احلي
وش هـآلضرافه اللي عندنا ,,



حقلنا وناسة، ضبا دارك والبحر جارك..

يكفيكم الاسماء بس ,, كأن ماحد عنده بحر الا ضبا يعلمون الناس ان البحر جنبك
وتروح هناك ماتشوف الا الانور على الانوار والاشارات ,,طبعا الانورا نفسها اللي يسوونها بالعيد
وتسمع بشي اسمه مهرجان ولا فعاليات صيفيه اصلا الساعه 9 الكل نآيم


الطايف - ابها
والله اجوائك هي االخرافيه بس ماعرفوا يستغلون هالمدينتين زي الاوادم
الطايف مافيها الا خيول ودبابات ومنتزهات للعوايل ,, لا والخيل حقهم من كثر
ما الناس تركب فوق صار جاه مرض الديسك فـ ضهره صار مايمشي الا بعصاء
ماتسوى عليه صار خيل

وفوق كل هذا قناه المجد تقول صيفنا مع اهلنا احلى
والمشكله من 6 سنين نفس الفعاليات والتقارير وكل شي

فـ افضل حل عزيزي العزوبي جهز الشنطه والجواز وشدها خارجيه