أيووووه يالزنقآ " صج لا قالوا : زنقآ .. زنقآ .. خش واسدح لنآ زنقتك يآ مآل الزنقآ ض1
ارررررررررررررررررحبوا .. اقلطوا ياا لله حيهم رجال .. حريم .. مابه غرب بينا  
شو رايكم بالعنوان مو خطير " متعوب عليه " 
الله يالزنقة  في مواقف أحيان تكون مضحكة والاحيان الأخرى تكون مبكية 
واحيان ودك بالأرض تنشق وتبلعك ولا تعيش هالزنقة
أضرب لكم مثال قديم نوعا ما :
في يوم من أسوأ أيامي في الثانوية وقبل مايبدا الطابور قالوا ربيعاتي
نلعب ( غميضآ ) وأحيان يسمونها ( لحيقآ ) >> هذا بالشرقية
( استغماية ) في الشام 
اما بالرياض مدري والله
المهم لعبنا وانا اركض واهرول مرة ايقاع سريع ومرة بطيء حسيت اني ميسي 
الا وهالصعاليك واقفات وش بلاكم ويناظرون وانا اقول بي شي 
وش ذا الاخضر تحت قميصك  يسألون ؟
الا ويطلع لابسه المريول فوق قميصي 
ياربي وش الدبرة بيبدي الطابور والمراقبات حرس عند الحمامات وش اسوي 
قلت فالفسحة ابروح " تكرمون " دورة المياه قبل لا احد يحس 
المهم اول ما رن الجرس طوالي رحت وتوهقت وين اوديه ؟؟؟؟؟؟
جلست ويا ربعي نخشخشه بالعباية والبنات شكوا يقولون عباية بالحمام وش السالفة 
ماابي اطول عليكم حطيته ياحزركم وين بالشنطة أضمن ذكية ماشاء الله علي 
رجاء اللي عينهم حارة لايقربون :s3s:
إلا ويقولون تفتيش  > يخرب بيتهم هالمدارس مافيه انذار مسبق < 
عاد انا حسيت بطيح غشيانة  خفت لا شافوه يقولون ذي ليش حاطه القميص بشنطتها
يمكن بتهج ولا حاجة من هالقبيل مع اني المثالية لكن ماادري وش تفكيرهم
انزنقت زنقة مايعلم فيها الا الله ( وقتها طقت في راسي فكره ) 
الا وهي :
انا عادة البس بوت صيف - مطر - شتاء - خريف اللي هو
قلت ادعس القميص داخل لا من شاف ولا من دري والقماش خفيف يساعد برضو 
وطوالي ادعس ولبست البوت وسكرته بالسحاب
وأنا فرحانة حسيت اني عبقرية  يافرحة ماتمت !!!!
قالوا فصخوا جزمكم " وانتوا بكرامة " قلت ب= نفسي لعبة 
طلعت الدعوة جد يبون يصيدون رسايل الحب اللي بين البنات
وانا دوروني ماتلقوني وجهي قولب الوان قوس قزح 
مافي حل وجلست ادعي ياربي استر علي ياربي لاتردني
خصوصا انهم لقوا رسايل ومكاتيب داخل الجزم ض1وانتوا بكرامة " بحق وحقيق
والتفتيش جاري ع البقية
جا دوري وانا اشوي و " ببطل حلجي " > على قولة اخوانا الكويتيين
قلت اعترف احسن اكيد بيصدقوني انا شاطرة ومثالية وماتصدر مني تصرفات خرقاء او عوجاء 
هههههه اهون على نفسي حبتين ........
المهم شلت اليسار قبل اليمين يوم جت اليمين سويت نفسي احاول افتح السحاب ومايفتح
وانا ادعي بقلبي ياربي ياربي .......... إلى ان جآءالفرج قالت خلاص انتي مامنك خوف
انا من الخرعة سكت طول اليوم مو مصدقة 
وربعي تسدحوا من الضحك قالوا تخيلي طلعوا القميص من البوت 
الحمد لله الله سترها علي ولا كان علوم 
ومن يومها صرت البس المريول قبل لا انام إجراء احترازي
أيـــــــــــــــّـــوه عـ الزنئة شو بتموّت رعبة
رحمتوني صح ادري بكم رحومين 
يلله 1 .. 2 .. 3 انطلقوا ورونآ ازنق زنقة انزنقتوهآ
سويّر تركت المايك لكم  
 | 