نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

إياد المحبه · #17510 15/02/2005, 10:13 PM

[align=center]

طق طق طق .. في أحد موجود !!

؟
؟
؟

ولا أقول .. مايحتاج الواحد يطق الباب يوم انه يجي يدخل على بيته !

يـاهــلا بالجميع .. وحَــياكم الله من جديد في يوم مطير اقسم بالله اني احس نفسي في سويسرا من زود البرد

..

وفي الحقيقه يالربع مَــاجينا الا بَـعـد ماشفنـا حَـنات القلب تتراقص على اوتار المشاعر طالبه الوقوف عند هذا الحد ..

ومثل مالجميع يخـبر ما امدانا رحنا كم من يوم على أمل النيل في فترة نقاه كنا نرجوا منها الراحه والإراحه للبال ..

الا وبدت الإشاعات تتواتر بين الأغلبيه من الشباب .. والله الولد ماصدق طلع الا يبي يروح الرياضه الى الابد .. ولا كوووره

<<<<< أخوكم هنا ماصدق نفسه ناظر في المرايه يحسب نفسه بيكهام ولا خواكين خخخخخخخخخخ

حتى الاداره عندي شكت اني ابي اخذ فترة نقاه .. خخخخخخخ

اللي ابي اوصل له يا وجيه الخير .. ان كل اللي صار في الصفحات الماضيه .. كانت كما كُـتبت .. وهي فعلاً شيئ من الماضي

وانا نسيت والجميع اكيد نسى .. وكانت مثل ماتقولون سحابة صيف وعدت .. بعد مانفك السحر عن العين اللي صابتنا ..

في الحقيقه علشان الجميع يكون في الصوره عن الموضوع اللي إنتهى والحمد لله من زمان وحتى وان كان فيه شيئ في الخاطر فـ المُـكالمه اللي جاتني اذابت ثليج كُــل مادار في الايام الماضيه ..

حقيقه تُــذكر واحب اني اعلق عليها فقط .. لأن الجميع هنا اثبتوا انهم اهلها .. ورجالها ويُـعتمد عليهم ..

الموضوع اللي تم وضعه في السابق ماتم طرحه علشان يجي كل واحد من الإخوان ويكتب من الكلمات اللي اثرت في نفسي بلا شك .. بس كان عن قناعه تامه

واحب اني احيي الاخ الغالي اللي اصفق له لما كتب هذي المقوله

إقتباس


	الرابطه اسمها االرياااااااااااااااااااااااااااااااااااال وليست ايااااااااااااااااااااااااااااااااااااااد

إقتباس


	وادري ان حتى اياد نفسه يوافقني الراي

شاكر للجميع على الوقفه الصادقه اللي شفتها بعيني وما احد قال لي عنها .. وهذا الشيئ ساعدني وزادني على الاصرار في الشيئ اللي كنت عازم عليه .. 

ما اُخفي الجميع .. ان التتش او اقدر اقول " سوء تفاهم " لا اكثر وما اقدر افسره بحجم اكبر من كذا كان بيني وبين حميمي وصديقي الغالي اللي بديت معه مشواري وآزرني ومسكنا ايادي بعض حتى اللحظه الاخيره .. !!

الى ان شاءت الاقدار انه يحصل في الرابطه كما يحصل في اي رابطه وفي اي منتدى وبين اي شخصين .. اللي حصل 

والاصاله بانت على هذا المملوح او باينه عليه من اول ماعرفته علشان كذا ماكنت احاول اني اتعرقل معه في الكثير من الامور او اني كنت اتجنبه بغية عدم خروج موسوعة وحُـجة ريال مدريد من عندنا ..

جاني الاتصال ..

وكُــل اللي اقدر اني اقوله وما ابوح بكامل المُـحادثه انه اراد لي العوده ..

وقدم لي الاعتذار رُغم اني قلت له انك ماسويت شيئ ومافي اي شيئ يستحق انك تعتذر ..

وهذا شيئ ما استبعدته عن اُخــيّ ...

خُــلاصة الكلام .. انه قال لي مارح يرجع الا ماتكون رجلينا مع بعض ..

انا طلبت منه انه يعطيني بس وقت علشان اقدر اني اريح نفسي والله يالربع تعبت لي سنه ونص تقريباً ما ارتحت فيها .. ابي ارتاح شوي

المهم صار اللي اتفقنا عليه ...

ومن الاخر قريت له محادثه مع إحدى الاخوه بعد عدة ايام وما اُخفيكم انصدمت من الكلام اللي جاء

طبعاً ماهو حش .. خخخخخخ

الرجال كان ناوي يسوي حاجه يزعلني فيها منه .. على باله يقلدني وهذا الحل الانسب لرجوعي ... <<<< مسوي بيكهام بن اياد

الرجال ماهو مرتاح .. وحاس انه السب ورا خروجي وهذا ماهو السبب الحقيقي اللي كان وراء الخروج .. بس القلب ومايهوي عليه خخخخخخ

الين ماشفته معزم حبيب قلبي على اننا نرجع ونطرب بعضنا وكان لا مفررررررر من هذا الشيئ الا اني قلت له لبيه ..

عاد ماله داعي الرابطه يذكروني بالشين يقولون اياد هو اللي طلع موسوعة ريال مدريد ..

فأنا حبيت اني اوضح اللي صار .. علشان الجميـــــــــــــــــــع يكون بالصوره وتكونون على بينه وعلم باللي دار ..

وماتجينا شقحات على الموضوع من جديد ونفتح ابواب تراها مسكره بالقفل والمفتاح عندي وعنده تقاسمناها خخخخخ

انا بــ هالمُـناسبه احب اني اقدم امام الجميع كامل إعتذاري الى أخــي واستاذي LoVeFoReVeR وليد على كُــل مابدر في الايام الماضيه .. وعلى النقط السوداء اللي انكتبت في صفحات الرابطه اللي عمرت تعمير ماكنت احلم انها توصل للشيئ اللي واصله عليه .. يعني لو افحط في الانترنت على اني اعزم اسوي انا وياه واياكم الشيئ اللي وصلناه والله ابطــي ..

وكُــلي امل وفداء لكاتــ ... خخخخ اقصد للبلانكو ورجاء انه يتقبل اعتذاري امام الجميع .. واني اقول له سامحني ترى ماكان يهون علي الشيئ اللي صار بس .... فتره وعدت والحمد لله

ومن عندي انا وجهك ابيض ورايتك بيضه وصافي يالبن ..

7
7
7
7
7
الموضوع اُغلق وما ابي اشوف وجه واحد يفتحه او يعلق عليه .. الموضوع بغيّـته القراءه لا أكثر ولا يزيد ولا ينقص ..

واللي بشوفه مسوي فيها فاهم وجاي يبي يعبر على شيئ ترى .... ما ابي اقول ..

يلا شُــدوا الحيل كُـلكُـم ونبي نشعلل الرابطه .. وان شاء الله مارح يصير فيها من اليوم وطالع اي افلام هنديه .. وكل جديد وكل مايخص ريال مدريد يتم تثبيته في الرابطه بأحلى مسمار .. وبتم محادثة الغالي رونالدو&كارلوس لإرجاع اطلالته على الرابطه بعد ان فقدت طعمها برحيله المُـفاجئ ..

بس لا غنى عن كُــل مُـعاصر للرابطه .. 

وابي ارجع ان شاء الله الخبلان الاثنين مسويين فيها مخلصين ولحقوني

.. متحمسين

والله يديم المحبه ولا يفرقنا ويجمعنا وياكم اذا ماهو في الدنيا يكون لُـقيانا في الاخره ..

وكلي فداء للبلانكو

# تم اغلاق الموضوع #[/align]