بسم الله الرحمن الرحيم

( أولا الموضوع مجرد رأي متواضع .. لآحد يهاجمني إذا ما عجبه رأيي )
( التشكيلة لا يوجد فيها اختلاف كبير عن تشكيلة الهلال الحالية الا في لاعب محلي واحد + المحترفين ) << بمعنى آخر ليست مستحيلة تتحقق هالتشكيلة في فترة الصيف

نقاط قبل التشكيلة :

(( مثل الجيزاني انا ما حطيته لأني ما أشوف انه بمستوى الهلال مع كامل احترامي له واللعيبة الآخرين .. وبالنسبة لعزيز فوجهة نظري لاعب ما احترم النادي والجمهور ما يستحق يلعب .. متى ما رجع لانضباطه ثم مستوياته يستاهل أساسي ))
لو مسكنا هالتشكيلة حبة حبة من خط الحراسة لخط المقدمة بنلاقيها تشكيلة متكاملة
-حارس أسد ما شاء الله عليه
-خط دفاع دولي بحت ( ليس شرط ان يكون البديل الرهيب ولو جابوا سعودي أفضل منه يكون أحسن .. ولكن الرهيب اسهل واحد ممكن يجي للهلال بحكم انه راح للاتحاد اعارة وانه لاعب اكثر من جيد .. ليس الأفضل لكن اكثر من جيد )
-محاور ممتازين ( المحور راح يبدع في خانته اذا كان وراه دفاع صلب وامامه خط وسط ناري لأنه راح يركز على مركزه وقطع وتوصيل الكور .. وفي هذه الحالة ما نحتاج اكثر من الفريدي والغنام لأن وراهم خط صلب وامامهم وسط ناري )
-خط وسط أمامي ولا أروع بتواجد الشلهوب + محترف من طراز عالي ( يوصلون الكور صح + يعتبرون مفاتيح حلول اذا الهجوم ما ملك الحل )
-خط هجوم ناري ما يضيع كورة تطيح بينهم ولما يكونون اثنين محترفين من طراز عالي وخلفهم الشلهوب + محترف آخر راح توصل لهم كور كثير وما راح يضيعون مثل الكم الهائل اللي ضاع هالموسم << يعني بتشوف بمعدل كل مباراة 3 أهداف وطالع
- الاحتياط فريق ثاني كامل يقدر ينافس الفريق الأساسي حتى

بالتشكيلة هذه ما راح يصابون اللعيبة بإرهاق والسبب توافر البديل الناجح + لسنا بحاجة الى أكثر من ظهير سعودي + تبديل المحترفين اللي عندنا بقيمة عقودهم + عقد نيفيز اللي بيكون كبير
(( ملحوظة : رادوي يلعب قلب دفاع في منتخب رومانيا .. يعني مركز ممتاز له للي يقول ما نبغا نتخلى عن رادوي ))


وأخيرا :
هل من مستمع لآراء الجماهير .. والا الجماهير كالعادة تنفخ في قربة مقطوعة !!
ويهمني رآيكم بالله .. والله حسيت اني مدرب ماسك ورقة وقلم وجالس اتكتك في التشكيلة .. ما تدرون ممكن يوم أمسك التدريب أنا .. بس وعد لأخذ آرآئكم لبى قلوبكم

في انتظار تعليقكم ..