نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || EPL 38 || الجولة الأخيرة من البرميرليج لتتويج البطل ، وصراع الهروب من الهبوط يشتعل || تقديم + متابعة ||

hilalemooot · #14 21/05/2011, 10:43 AM

.

السلام عليكم
يعطيكم العافية شباب على التقديم .. وهي فرصه نشكركم على جهودكم جميعاً طول الموسم .. ما قصرتوا ابد وعاجز عن شكركم نيابه عن زملائي مشرفي القسم .. لا خلا ولا عدم

والله وبيخلص البريمر وبنقضي الصيف مشردين وععع

جولة الحسم بالنسبة لمركزي الهبوط .. احياناً وانت تناظر الفرق المتنافسه كل شوي تميل لفريق .. وبالنهاية اعتقد كل شخص له ميول معينة حسب منظوره الشخصي للأمور .. مثلاً حقين ارسنال ودهم بيرمنغهام يهبط لانه دايم ينشب لهم .. انا ودي ويغان يبقى اول شي علشان الحبسي وثاني شي هالفريق حبيب ناخذ منه ست نقاط ونمشي كل موسم

.. بلاكبول نظرياً وكثير يوافقوني في وجهة هالنظر فريق ممتع وقدم مستويات جبّارة هالموسم ولا يستاهل يهبط .. بلاكبيرن فريق كبير كذلك ماودك يهبط .. بالمختصر تناقض مشاعر

.. شخصياً ودي الولفز يهبط هالفريق بثر وممل بالنسبة لي .. وينام طول الدوري وآخر 5 جولات يصحصح ويبقى .. كذا ما ينفع <---- لا ياشيخ خخخخ

المباراة المباشرة اللي ممكن يتفرج عليها الواحد بين ولفز وبلاكبيرن .. مباراة صعبة وتستحق المشاهدة .. على الطاري بودي لو كانت المبارايات بتوقيتين افضل .. زي ما نشوف اغلب فرق الصدارة مبارياتهم مع فرق ما تنافس على هبوط .. وخلوا مباريات الهبوط بوقت آخر كذا افضل وعلشان يمدينا نستمتع بآخر جولة

جولة واااعدة واكيد بنشوف فيها أكشن وصياح كثير

.. ترى ما اقصد احد هنا قصدي جماهير الفرق الهابطة

شباب الحين قنوات ابوظبي اللي عندي من 3 لـ 8 .. وقناة ناشيونل جواغرافيك وكم قناة ثانية نسيت اساميهم .. 9 - 10 - 11 - 12 و 13 .. وش يطلعون

؟ وكم تردادتها ؟