كلام في الصميم
كنت مجهز موضوع عن هالموضوع
ولكن كلامك أكثر شمولية
تسلم اخوي والف شكر

ونتمنى وقفة صادقة في الموضوع ابتداء من شبكة الزعيم
لأن الجمهور هم أساس الفريق

تعقيب على كلام الاستاذ /تركي الهديب

كلامك صحيح ومحد ينكر ان ثقافة التشجيع عندنا وحتى التنظيم سيئة جدا .. لكن لازم نبدأ بأول خطوة في الموضوع احنا لسنا ضد صلاح البطاطي ولا مع الجحيم الأزرق .. عشان ماتفهم الموضوع خطأ ..

صلاح البطاطي من أفضل الأشخاص اللي قادوا الرابطة الهلالية في السنوات الأخيرة ومجتهد ويتقبل النقد ودائما يطمح اللجديد والأفضل ..
لكن احنا ضد الرابطة السعودية بشكل عام .. ضد طرق التشجيع عندنا .. يعني لا تقول لي بأعطي (الجحيم الأزرق) صلاحيات من غير ما تلغي الرابطة الأساس .. أول خطوة من وجهة نظري الغاء الرابطة ابتداء من الموسم القادم .. لأن الجمهور اذا ما حصل رابطة طبيعي بيتفاعل مع الجحيم الأزرق أو الرابطة الأوربية اللي هي بدون مايكات ولا مكبرات صوت ..

وانا ما اخص بكلامي (الجحيم الأزرق) أو (القطار الأوكراني) أنا أقصد الفكرة بشكل عام واي واحد يطبقها وتحت أي مسمى .. اتمنى تلقون نظره على جماهير الفرق العربية عشان مانروح بعيد .. تشجيع خرافي وتنظيم رائع وترى كانوا أسوا منا قبل سنوات قليلة جدا .. و عندهم أمن الملاعب اسوأ بكثيييييبر من عندنا ولا فيه أي تفاهم .. بعكس الأمن عندنا أو ادارات الملاعب ممكن تتفاهم معاهم حتى لو عن طريق ادارة النادي .. بعدين كلها اهزوجتين طويلة تترد طول التسعين دقيقة يعني من السهل جدا حفظها .. ومافيه شيء اسمه تشجيع لاعب .. الجمهور يشجع النادي وليس اللاعب .. بكذا المشجع يشعر بالانتماء للنادي وليس للاعبين بعكس تشجيعنا للأسف ...!!

عموما .. أشكرك اخوي تركي على اهتمامك بالموضوع وكلنا نعرف مكانتك بينا .. احنا مانتكلم الا من ألم داخل كل هلالي تجاه الجمهور .. لأن الجمهور أساس الفريق .. التشجيع يشعرك بالانتماء للنادي .. الهلال يسير في المسار الصحيح في كل الاتجاهات .. لابد اننا كجمهور نواكب نادينا ....!!!