بعد السلام والتحية والحركات ذي
منذ زمن طويل أأوي أأوي وانا ابي اكتب موضوع بس تدرون وش الي يحبطني التضبيط والحركات
في قديم الزمن كان الي يسافر من العائلة يدرس برا ولا تسذا يروح هذا زينه واذا رجع انتو يالسعوديين وانتو يالسعوديين والي يسمعه يقول
مقطوع سره بباريس ولا موسكو
راح ابن عمتي ويوم رجع وجلسنا نسولف جيت انا وقلت ياعالم حر ونقزت وسكرت الباب وعليت ع المكيف المهم يقول وش هاللقافه شاورنا سعودي ارابيا <كلمته المعروفه 
المهم وانا اتعوذ من ابليس واقول حالة تجي كل مبتعث طالع من بريده لامريكا اكيد تصادم حضاري وجه بوجه وبقوه لازم نقدره شفتو اني اقدر
المهم خوينا يوم تعود هذا الوضع ورجع خوينا الي نعرفه يقط معنا وبعض الايام اذا طفرنا يعشينا على حسابه
وتدور الايام ويذهب صديقي ويبدأ مشوار الهياط وانا تقهوى واكل تمر واقول يالله براد الجنه واعوذبالله من ابليس
واجي انا المصون وادخل نادي اهااا قلت لكم نادي والله لايوركم ينبط (في رواية يخرج) عرق المهايط فيني واوريهم صور واقول هذا انا بعد سنة واذا جت حركة بفلم اقول قسم قسم بالله اني اسويها كذا مره اليوم مسويها
شئ لا اراديا مدري شلون صرت مهايطي 
السؤال الي ياخذ يو تيرن بمخي ويسوي درفتات
هل اعجاب الادمي او الشخص بالشئ يخليه يهايط او يقعد يمدح فيه زياده عن اللزوم ؟
هذا ماكان يدور في مخيخي وانتظر دبجكم لردود
