درزن من اخوانك ترى قبلك هناك ... قصيده إهداء للزعماء
اولا الف مبروك البطوله يازعماء والحمدلله على توفيقه
هذي مشاركه واهداء لهذا الكيان العظيم اللي معودنا على البطولات
مبروك يالدوري هلالك تبنّاك
.................................. ثلطعش مره يحققك ناديك
ثلطعش نادي تحفّر تمناك
........................ مامنهم اللي ساق لك مهر يرضيك
غير الهلال اللي بما سطّر ارضاك
.............................. هذا الزعيم اللي تحبه ويغليك
اهلين ياكاس البطوله وحيّاك
.............................. عوّد محلّك وسط دولاب راعيك
درزن من اخوانك ترى قبلك هناك
........................ (دوري فقط ) غيره دروع(ن) تحييك
شف كاس والي العهد ياكاس يمناك
.............................. كاس آسيا شوفه يسارك يناديك
كاس المؤسس ذاك كاس العرب ذاك
............................. بالله شف كم كاس تجلس حواليك
حظك كبير لنادي العزّ وداك
............................... خلك مع اخوانك إلين احتفظ فيك
ياكاس دورينا بعد عام حيّاك
................................ عوّد محلّك وسط دولاب ناديك
اتمنى تحوز على رضاكم
اخوكم زعيم رااايق
ابوفيصل القرقاح
