نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || UCL دور الـ 4 || قيقز وروني خلصوها 2-0 لمانشستر .. ميسي بثائيه بالبرنابيو يقرب البرشا من الفاينل || تقديم ومتابعة ||

FLORINTINO · #13 26/04/2011, 09:29 PM

عبدالله

شغل كبييير .. الله لايضرك
مكسب كبير لـ اللجنة .. ماشاء الله بس

ام المعـارك
ممكن كلامي كتبته قبل كذا .. بس برجع اعيده .. بالنسبة لي الفريق بعد نهائي الكأس
انتهى .. لكن على الورق .. هذي المبـارة .. او هـ المعركة ’ الذهاب - الأيــاب ‘ هي
الأهم في مجموع الكلاسيكوهات .

هـ الأهمية نابعه من حاجتين واضحة .. بُعد مدريد عن التشامب لـ فترة طويلة .. ونيته
خطف البطولة العاشرة والي تعتٌبر حلم جميل لـ المدريديه .. وطموح البرسا في حصد
البطولة ومحاولة الأقتراب من كبار اوروبا خطوة بـ خطوة .

المتش بـ التأكيد صعب .. وممكن يكون أصعب على الفريقين حتى من الفاينل .. مبارة
تحتاج مجهود ذهني كبير وحضور لـ 180 دقيقة بدون اي سرحٌان .. والغلطة للأسف
ممكن ترشح فريق على حساب الثاني .

شخصية الفريقين ؟! .. لحد الأن التفوق يصب في مصلحة البرسا .. اشوفه هو الأقرب
لـ بطاقة التأهل يعني لو ممكن اعطي نسبة توقع هي 65% لـ البرسا .. 35% مدريد .

المسألة بعيده عن تفاؤل .. ودٌي والكل وده الفريق يوصل لـ فاينل التشامب .. والأكيد
ان الأغلبيه ودها تكسر شوكة البرسا في التشامب بعد .. لأنو فريقهم راح يمر بمرحلة
صعبة لو ان شاء الله خسر المعركة .. من استقالة متوقعه لـ بيب ودخولهم في أزمــــة
مشابه لـ ازمة ’ الخراف السوداء ‘ قبل 3 مـواسم .. لأن المتسبب مدريد طبعاً .

مدريد في مرحلة لو خسر التأهل ؟! .. اتوقع الأمور ماشيه بشكل ممتاز والجميع اكيد
وصل لـ مرحلة رضا عن ما قدمه الفريق .. شخصياً ما راح ازعل كثير لو مدريد خسر
بطاقة الفاينل .. مدريد موري فرحني كثير ورجع لي ضحكة الأنتصارات قدام الفرق
الكبيرة .. مستويات حلوة ومباريات امتعني فيها ونتائج حلوة .. ممكن النكسة الوحيده
كانت مبارة وحده فقط .. اما اجمالاً .. مدريد السنة هذي .. يفٌرح

كيف بيدخل مورينيو المتش ؟!
ما اشوف ان التشكيلة اعلاه هي الأفضل .. ودي بـ الأفضل .. والأفضل يتحقق بأبعاد اي
عاهه عن متش بهـ القيمة .. البيول !! .. الله يسامحني بس يوم اني مدحتك .. الربشششة
والهباله والطفاقة كلها صفات متشابهه متأصله فيه .. مع لاعبين سريعين وشوية سرحان
راح نشوف كارثه .

قلت في ردي فوق ان المتش ممكن يحسم بـ خطأ فردي .. يعطي الترشح لـ فريق عن اخر
وكله بسبب غلطة !! .. هـ الغلطة اتوقعها من البيول خخخخ .. قلت قبل متش الكلاسيكو
بالدوري ان البيول لو لعب على التيم السلام .. ولولا لطف رب العالمين بنا كان خسرنا
المتش والله العالم بعد الخسارة كنا فزنا بالكأس ولا لا .. ما ندخل في التأويلات كثير لكن
الكلام كله على ان اللاعب نفسه عمل خطأ فردي رهيب وفظيع .. خصوصاً انو مش اول
مرة يعملها .. ليه موري مصٌر يعتمد عليه ؟! ..

النقطة الثانيه .. كريستيانو ومهمة الـ 9.5 !! ..
محد ينكر ان كريستيانو يعطيك حلول تكتيكيه كثيره كـ مدرب .. لكن هالمركز ما يصلح
انك تبتدأ فيه المتش خصوصاً وانك موب في حاجته في هالمركز لـ غياب المهــاجمين
الأساسين لـ الفريق .

مركز رأس الحربة أفضل دائماً يكون لـ رأس حربة .. رونالدو أفضل انه يلعب على
الجنـاح ويكون في مواجهة بويول .. مع اصابة بويول وبُعده عن الملاعب .. بنشــوف
رونالدو يشكل خطورة كبيرة على الصلب وبتكون نقطة ضعف .. وممكن تكون نقـطة
كسب المبارة .

أوزيل ؟!
احب اشوفه على الدكة .. مش قادر انسى التباين الكبير في مستواه بين متشين السبت
و الأربعاء والي فرق بينهم انه واحد كان احتياطي وابدع وكان سبب لـ تحقيق هــدف
التعـادل .. ومتش الأربعاء الي كان فيه يسحب رجوله بالرغم من كورتين نطلها وكان
الفريق قريب يسجل فيها .. لكن دائماً احب اشوف اوزيل وهو في القمة .. وقمته
ما راح تكون الا في الشوط الثاني .

بنزيما

اتمنى يكون الـ 9.5 .. بنزيما لاعــب ذكي جداً ومتحرك .. والي فرق انه صار قوي
ويلتحم مع المدافعين ويقطـــع الكورة .. غير التمركز البطل والكنترول

.. بعد فيه
نقطة مهمـــة جداً .. برشلونة دائماً تكون قوته في استعادة الكرة بسرعه .. شلـــون
طيب يستعيدون الكورة ؟! .. ضغط بأكبر عدد من اللاعبين في مساحة ضيقة على
حامل الكرة .. بنزيما فيه ميزة الأحتفاظ بالكرة عكس مثلاً رونالدو و الأديب

مافيه شك ان طعم الفرحه في متش الكأس راح تعطي دافع لـ الفريق .. لما اللاعبين
يذوقون الفرحة .. ببطولة .. وهزيمة غريم هو الأفضل في العالم كـ تيم !! .. اكيد
المسألة النفسيه راح تكون في صفك .

انت اكتسبت حاجات كثيرة .. ابرز شيء ثقتك في امكانياتك .. صار عندك ايمـان
انك ممكن تصير بطل في اي بطولة تلعبها .. لأنك تملك كل المقومات الي تخليك
’ بطل ‘ .. الشيء الأضافي انك كسرت حاجز السطوة النفسيه الي كانت قدامهــم
وهذا الشيء اشوفه سلاح ذو حدين .

ممكن لو نسوي فلاش باك .. فيه انترفيو لـ بيبي مع الماركا .. بعد كلاسيكو الـ 5
بـ شهر تقريباً .. لما سألوه .. ليه انلقمتوا خمسة ؟!
وش كان الجواب من بعبع الكتلان !

دخلنا بثقة الفوز .. دخلنا مانشوف برشلونة شي .. دخلنا لأننا منتشين بـ صدراة
الليغا .. كل هالنقاط جابت الطامه الكبرى .. انلقمنا خمسة .. هذا درس لنا .

متخوف صراحة .. ظروف هالمتش وان كانت مختلفه في جزئيات عن ذاك المتش
لكن الخوف الأكبر هو النتيجة السلبيه .. خصوصاً ان متشات ’ النوك آوت ‘ فيها
الهدف يفرق في الحسبة .

خوفي جاي من ان الفريق منتشي .. بطل الكوبآ .. مسخر فالنسيا في ارضهم وبكم
كبير من الأهداف .. والشيء الأهم .. اننا فزنا على خصمنا القادم قبلها بـ أسبـوع
وهالشيء ممكن يعطي ثقة مفرطة .. وممكن نشوف شوية تعالي .. والنتيجة راح
تكون سيئه لو صار هـ الكلام وان شاء الله ما يصير .

الخصم في المقابل .. أكيد ويلات الثأر اهم ما يتكلمون عنه .. فريق ممكن اهتزت
عنده الثقة في نفسسه .. لكن فريق بهالقيمة وهاللاعبين مهما صار يخٌوف .. لكن
ردة فعلهم في الملعب كيف بتكون ؟! ..

مــوري لازم يكــون حكيم في تعامله مع المتش .. اهم شي نبعد عن التســـرع في
تسجيل الهدف .. ونحــاول نلعب بنفس طــــويل .. مع محاولة خطف هدف مبكــر
لأنه راح يعطينا ادفانتج رهيب عليهم .. خصــوصاً وهم يحبون امتــــلاك الكـــرة
والأستحــــواذ

.. لكن وهـ النقطة لاحظتها مع سليم بـ مبارة الفاينل .. برشلونة
لو تسجـــل فيه هدف وتقفل عليه بهـ الطريقة المجنونه راح يضيع .. عدة عـوامل
راح تكون معنا اهمها تسرعهم في نقل الكرة .. لأنهم راح يفقدون امتيـاز سحـــب
الخصم لـ مناطقهم .. راح ياخذ وقت .. وهم راح يلعبون ضد الوقت اصلاً .

ياهو مخيس هـ الحكم !!
من يوم ما شمينا ريحٌة انو في حكم من البرتغال بيكون حاضر سمعنا صيـاح الصلب
من اكبرهم لـ أصغرهم .. معروفين .. الحكام تعويذة سحرية لـ فاينل التشامب

لـ المصادفة .. او مقصودة .. مدري والله خخ
هـ الحكم اعلاه كان هو حكم سيمي فاينل الذهاب عام 2009 ..
بين البرسا و تشيلسي في الكامب مو .. ولـ المصادفة بعد انه ما حسب ضربة جزاء
واضحة لـ تيري هنري في المبـارة .

حكم لنا 6 مبـاريات
ابرزها ممكن هـ الموسم مع ليون في الجيرلان .. وما احتسب لنا بلنتي على ديلجـادو
بعد ماضربت الكورة في يده ..
اجمالاً .. فزنا معه 3 مباريات .. تعادلنا مرتين .. خسرنا مرة من اليوفي في تورينو

حكم لـ الصلب 4 مباريات
تعادلوا ثلاث مرات .. منها مرة العام مع مورينيو في المجموعات .. كان المتش في
السان سيرو وانتهى تعادل 0-0 .. وفازوا مرة وحده على ارسنال .. لما طلب من
ميسي التي شيرت

اتمنى اشوف البرنابيو بكرة في ابهى حلة

اخر متش هالموسم في التشامبينز عليه .. لازم يكون احلى وداعيه اوروبيه لأبطالنا
ونشوف لوحات وخبال مثل الي فوق .. اهم شي لوحتي المفضلة
Hasta El Final .. Vamos real

النتيجة ؟!
اتمنى اننا ما نقبل اهداف .. حتى لو نطلع من المتش 0-0 .. أفضل بكثير من اي
تعادل ايجابي .

أفضل نتيجة ممكن نطلع بها 2-0 أو 3-1
اتمنى الأولى .. لأنه حتى لو رحنا لـ ملعبهم وسجلوا هدفين .. راح نمشي لأشواط
اضافية .. بعكس الثانيه الي لو سجلوا هدفين راح ياخذون البطافة ويمشون .

بالتوفيق لـ الفريق