.
عمار يالمجلس عمار
حي الله الدكتور خالد
و الله يعطيك ألف عافية على تواجدك معنا
--------------------
بسم الله نبدأ
أنا يا دكتور الله يسلمك قبل فترة ظهرت لي بقع بنية صغيرة في منطقة الرقبة والصدر و كانت تسبب لي حكة شديدة إذا طلعت للشمس أو ( أحتريت ) عموما رحت للصيدلي قالي هذي فطريات أمرها بسيط و عطاني كريم لي أنا و أخوي اللي نقل لي العدوى و حطيته كم يوم و راحت الحمد لله
لكن جت مشكلة جديدة بدالها مدري لها علاقة بهذي أو لأ بس أنا قلت بأقولها أحتياط
المهم مشكلتي حاليا هي أني طلعت من جو حار إلى بارد أو العكس ( يعني تغيّر مفاجئ بدرجة الحرارة ) تجيني حكة بكل جسمي تكون بسيطة لكن المشكلة كلها إذا كنت محتر ( معرّق
) توي جاي من صلاة الظهر مثلا و شربت موية باردة عشان أبرد على قلبي جسمي كله تجيه حكة شديدة مرة كأن فيني عنقز ( جدري الماء على قولتكم
) و حتى لو كنت طبيعي قاعد بالغرفة مثلا و شربت موية باردة تجيني نفس الحكة لكن بدرجة أقل
وش الحل يا دكتور ؟
* عذرا على الشرح السيئ لكن الشكوى لله ما أعرف أكتب ما أعرف إلا وجه لوجه
و ألف شكر لك يا دكتور على تواجدك معنا و رحابة صدرك و أتمنى أنا ما نكون أثقلناك بالأسئلة
شذى & ذايب و بقية الإستشاريين
أخشى أن أشكركم بكل العبارات فلا أوفيكم حقكم
