<table id="AutoNumber1" background="http://img43.imageshack.us/img43/1/94140007.jpg" border="0" cellspacing="0" width="960px"><tbody><tr><td width="960px">
قصة اللعبة :
القصة ومافيها ان الكوريتين يتحد يبون يمغطون امريكا ، وان الرئيس الحالي لـ كوريا الشمالية
يموت ويصير ولده الرئيس ويتحدون هم مع اليابان ، و المكسيك و كندا سحبوا سيفون ع امريكا . .
وروسيا وقفت النفط ع امريكا واوروبا كلهم سحبوا عليها
وامريكا توهقت ، وماتدري وش تسوي وراح تواجهه القوى العظمى
فـ تتوقعون امريكا وش تسوي تقدر عليهم ولا راح تتمغط !
اللعبه تمشي ع 16 سنه ، من 2011 الى 2027 ، امسكوا القصة تحت كاتبها لكم
2011 :
كوريا الشمالية تهايط عليها أمريكا عشآن التجربة النووية .
2012 :
في يوم يعلوونون عن موت الرئيس كيم جونغ ايل وأستلام المنصب ولده كيم جونغ .
2013 :
الرئيس الجديد كيم جونغ يضبط الكوريتين عشان يصيرون "جمهورية أكبر".
2014 :
امريكا تفلس من كوريا وتسحب جيشها . .
2015 :
ارتفع النفط وروسيا توقف التصدير لامريكا ،
وأمريكا اتوهق ماعاد عندها نفط
2016 :
وتستمر مصخرة امريكا ، وتسحب قواتها من اليابان و الشلل اللي حولها وترجع للدولة.
2017 :
وتصير مظاهرات وكلهم امريكا تريد اسقاط الرئيس ، و تطلع قرارات جديده عندهم
2018 :
واليابان تدش مع شلة الكوريتين ، وتصير اتحاد الدولة اقوى من قبل . .
2019 :
امريكا اتدارك نفسها وتضبط الوضع ويمشي تمام معاهم . .
2020 :
كندا توهق امريكا وتسحب ع دين ام جابتهم ، وتقطع الحدود بينها وبين امريكا
2021 :
الولد كيم جونغ سحب اغلب الدول اللي حولها وخلتهم تحاله وسمته بـ Knoxville .
2022 :
وتكمل ع المكسيك وتسحب ع امريكا وتوقف الحدود بينهم كككككككك .
2023 :
التحالف حق كيم جونغ ، تضبط لها ثكنه ، وتنزل لها قوات وصلت الى 20 مليون من العيون الممغطه .
2024 :
التحالف صار اكبر تحالف ، ورفع رسالة للعالم ، للسلام . .
2025 :
كوريا بدت تفت ع امريكا ، وحطت اكبر قمر صناعي وبثت فيه رسالة للسلام
والقمر عطل ع الكترونيات امريكا ، وبدت كوريا بالحرب ع امريكا وبالبداية في ولاية سان فراسيسكو . .
2026 :
الجيش الامريكي تفكك الى قسمين ، وكوريا سحبت شرق امريكا ، وبدت تحارب تبي تاخذ الغرب
2027 :
وشسمه بالسنه هذي ننتظر وش تسوي امريكا . .
تاريخ الإصدار :
15 / مآرس / 2011
النآشر :
THQ
التطوير :
Kaos Studios
اللعبة ع الاون لاين :
32 مقابلين بعض
الداعم :
بلاستيشن 3 ، XBOX ، PC . .
السعر :
250 ريال . .
التقيم اللعبة :
7 < اظلموه بجد : (
رئيس مجموعة مقاومة صغيره ، وزعيم ماهو مثل قوة Connor . .
وكان شرطي . ومن الناس الاوائل اللي هجوا من القاعدة و المعتقلات
رئيس الانتفاضة بـ امريكا وهو أقواهم بالانتفاضة
هذا رجال كوري الاصل امريكي الجنسيه ، تشوه وجهه بعد اعمال الشغب بامريكا
ويلقى له ولاء بـ المقاومه بس ماهو رئيس
ومهماته كلها صعبه وقوية وخطيره
كانت تنتظر الفرصة لتغيير ،
ودشت مع المقاومه وعطوها فرصه ، وطلعت كفو . . بس مشكلتها استعمالها للسلاح
تعلمت ع السلاح بالصيد الغزلان ، بالغابات عندهم . .
بعد تجربة الشريط
بعد لعبها وتجربتها عند قريب من ربعي ،
اللعبه حلوه ، وافضل مافيها ان الشركة حاطها جهدها فيه
يعني راح تلقون تطوير اكثر واكثر فيها .
بس كـ لعبه حماسيه لدرجة موطبيعيه ،
الجرافيك من بين متوسط الى جيدهـ
المميزات :
اللعبه فيها سيرفرات كثيرهـ ومدعومه ، وقليله اللاقات فيها
القصة جدا حماسية ، و عمرها طويل
تطوير اللعبه 3 سنوات ، افضل من غيرها سنة وحده ؟
في الملتي بلاير في مركبات غير المعروضه بالموقع الخاص بـ اللعبه
و الاسلحة بعد فيه اكثر من كذا
تقدر تسحب سلاح العدو اذا ذبحته و اسلحة لو لقيت مع الشعب
تسلسل اللعبه من 2011 الى 2027 ،
ونظام حماية المركبات باللعبه موجود ،
بالنهاية
حبيت اشكر سلطان الصولي ، بمساعدته لي بجيبت الموافقه من المشرف 
وسامحوني ع القصور وترا الكلام بدال ماهو مترجم عدلت عليه وباسلوبي العامي خليته
بالنسبه للي سالني بالمسن ليه ماحطيت عدادات قوة ،
حبيت انبهم ان المواقع الخاصه للعبه مانزلت شي . </td></tr></tbody></table>
