نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - فوده محلل تحكيمي برتبة سباك ...... يافوده ترى الكل صار يفهم كوره .. لاتطبل على المشاهدين والحكام الصغار عشان ميولك ... ولايهون الشيخ

محور ارتكاز · #1 21/03/2011, 12:34 AM

اسعد الله اوقاتكم جماهير الزعيم

الحمد لله على كل حال التعادل ولا الخساره

مع احترامي لكالديرون الا ان الامر كان مكشوف والمفروض في اخر عشر دقايق نطلع باكثر من هدفين لكن قدر الله وماشاء فعل

اتابع الان برنامج الجوله واشوف تحليل الفوده على المبباراة بصراحه قمة المصخره في التحليل

اقول يافوده ترى الصغير قبل الكبير صار يفهم ويعرف ويتابع دوريات اوربيه ومباريات كبيره يعني لاتلعب على المشاهد وتلعب على نفسك عشان ميولك الااتحاديه ..

اجل الفاول اللي لعبه الشلهوب وضربة في يد السعيد مو بلنتي وهو ماد يده ويناظر الكوره
اجل ياسر بالغ في السقوط بعد ان ضربه باولو جورج ومعروف الضرب بدون كوره في عالم كرة القدم كرة احمر وبرا على طول وخاصه في مكان حساس وهو الحلق

طلال آل الشيخ : ياسر ينضرب وتقول يمثل وتصريحه يثير التعصب وش تبيه يقول !!! قاتل الله التعصب

والله العظيم ياطلال اني اكره متابعتك من قبل لكن كلامك الييييييوم ابصمت بالعشرة ومن وجهة نظري حرام تكون محلل او مفند لانك ماتفهم كوره وانت ضيف ثقيل على المتابع وياليت يسوون استفتاء عشان تعرف وش ردة فعل الجمهور الرياضي بشكل عام تجاهك ...

يعني لو كان رادوي اللي سواها وش بتقول شرط ان تقوم الدنيا عليها وتطالب بايقافه وشطبه

اتمنى من المشرفين على برنامج الجوله تغير ذا الشايب بمحلل تحكيمي يقدر يوصل المعلومه الواضحه للمشاهدين ولاتنسى ان فيه حكام صغار يتابعون المباريات ويتأثرون باللي تقوله ....

بحول الله الدوري هلالي وولي العهد هلالي وراح نتاهل للنهائي الاسيوي بحول الله ورعايته واذكروا كلامي

شكرا لنجووم الزعيم شكرا للجمهور العظيم شكرا للجميع
تحياتي محور ارتكاز سابق ......