هلا و الله بالماسه

إقتباس وأخيراً ..... عطلنا ,,,

لا بعدني .. بقى لي يوم و اعطل

إقتباس حيث شعرت برغبة شديدة في فتح برنامج " Word"

كشفتج .. يعني انتي اي موضوع تكتبينه تفتحين الورد

إقتباس التي أخذت الكثير من جهدنا وتفكيرنا ويكفي فقط عندما تدخل القاعة وتجلس على أوراق الامتحان والتي تتجاوز أحيانا التسعة أوراق

مرات اكثر

إقتباس ولا تنتهي الثلاث ساعات إلا وظهرك قد أصابه التعب ,, وعقلك قد عراه الملل , ورقبتك قريباً ستنكسر و إصبعك يكاد ينقطع و حول عينيك قد بان السواد ,, فلم تعد تستوعب شيئاً ,, وأنت تنظر بعينيك المرهقتين لتلك الأوراق التي لم تنهها الثلاث ساعات لكثرتها ,, فتقول أو تقولين في نفسك " بالطقاق خلاااااااص أبى أروح البيت اناااااام

انا معاناتي .. تكون دايما في امتحان الانجليزي .. تخيلي الامتحان يكون.. من الساعه 8:30 الصبح لين 12:30 الظهر ..نفس امتحانات التوفل .. و يكون من 3 فقرات .. ( listening- reading- writing) .. و كل فقرة تقريبا ساعه او اكثر شوي.. و بين كل فقرة 10 دقايق راحة ..الـــ listening .. ما يعيدونه الا مره .. و انا قبل ما يبدأ الامتحان دايم ما احط خمسين قلم على الدرج .. سبحان الله القلم خرف و صار ما يكتب :p .. بسرعه القط الثاني عشان ما يفوتني شي .. و تعالي عاد اذا كتبتي شي .. يختارون اصعب لهجة و دايم تكون "الاسترالية" يا كرهي لهم و الله هم و لهجتهم الخايسة.. يتكلمون بسرعه تقولين احد يركض وراهم .. و فيهم نذاله هالمدرسين غير طبيعية .. ما تكون بس اللهجة صعبة .. بعد يختارون الحوار يكون في اماكن الازعاج .. و تكون يا في محطة قطار أو في مطار ... و لا في مكتب في سنة 1555 .. بقولج ليش في سنة 1555 .. الحين حوار مثلا بين المدير و السكرتيرة .. و السكيرتيرة تطبع على آلة الطباعه القديمة اللي اطلع اصوات مدري وش تبي .. يعني الحين بالله عليكم في سكرتيرة المدير يكلمها و هي بتقعد تطبع .. يقهرون !.. الود ودي عشان ما يفوتني شي ..اكتب بديني الثنتين .. نخلص من امتحان الاستماع .. و نحنا خلاص .. و هذا و نحنا تونى بادين .. تجي فقرة القرأة .. في القرأة يختارون موضوعين .. و كل موضوع شو طوله .. تقريبا .. 1600 كلمة لكل واحد .. اقرى اول 4 اسطور و احس بنام و عيوني تسكر روحها و ما فيني حيل اكمل خلاص ما استوعب شي ..فأبدا اقرى قرأة سريعه .. اطوف السطور بسرعه ولا يخلصن .. كله كوم و الكلمات في كوم ثاني .. كلمات اول مره اشوفها :sad: .. و يقولون لج شو معانها .. و لا وصلي المعنى بالكلمة ..و الله صعب .. و دايما الدرجات تضيع على هذا السؤال .. و بعدين الكتابة .. ما احب هالفقرة :sad: .. يختارون لج مواضيع .. ما تطلع فيها الرمسه = الكلام .. و اكتبي 300 كلمة في كل واحد .. من وين ؟؟! .. ولازم ما تطلعين عن الموضوع و لا ينحسب غلط ..و دعمي رايج بأمثلة او ادله .. يعني مختارين موضوع قبل ما ننولد .. كيف بالله بنجيب ادله و امثله .. حرام يحطون الكتابه اخر شي .. يعني الواحد خلاص مخه قفل .. و ظهره تكسر .. و ايده خلاص ما قامت ترص على القلم :sad: ما يقدر يكتب مواضيع و امثله و مدري شو.. بس الشكوى لله

إقتباس تنقلب الموازين فبدلاً من أي يكون الاختبار تقييم على فهمك للمادة ,, أصبح تعجيزاً للطالبات تتفنن الدكتورات في طريقة وضعها

صدقج و الله .. لا يقولج في سؤال ذكاء بين الاسئلة .. نحنا يالله يالله نحل اللي من المنهج .. و يقولون سؤال ذكاء .. و القهر يكون عليه واايد .. يا اختي ما نبغي نكون اذكيا .. نحنا مستانسين انى اغبيا .. و بلاش هالسؤال

إقتباس من دكتورة أو دكتورتين أو ثلاث يعاملن الطالبات باحتقار وسخرية و استهزاء

ولا تعصب و تصارخ بقولج ليش .. تلقينها الصبح قبل ما اداوم متضاربه ويا زوجها و تحط حرتها فينا .. يا اختي نحنا شو خصنا فيج و في مشاكلج

إقتباس عندما كنت طالباً مستجداً أو طالبة مستجدة .. صفي ( صف) لنا كيف كان شعورك عندما قُبلت في الجامعة

قبل ما ادخل الكلية .. امتحنا امتحان تحديد مستوى في مادتين .. (الانجليزي و الرياضيات).. و على اساسه وزعونا ... يا "دبلوم" او "دبلوم عالي" .. و الحمد لله الامتحان كان سهل .. و دخلت "دبلوم عالي" و طبيعي بستانس لان اختاروني اكون في الدبلوم العالي .. و كان عندي خيار اني ادخل على طول سنة اولى يعني التخصص او ادرس سنة تأسيسة .. فخذيت السنة التأسيسة و نجحت فيها و عديت بعد السنة الثانية على خير .. و ان شاء الله تعدي السنة الثالثة بعد على خير ..

إقتباس وصف (صفي ) لنا كيف كُنت في أول يوم دخلت فيه إلى مبنى جامعتك

مستانسه و خشتي مثل هذا بالضبط بس في اول الايام بعدين تعودت و صارت الكليه ممله و الود ودي اقعد في البيت ولا اروح

إقتباس والمواقف التي مررت بها في ذلك اليوم ؟

ما صارت لي مواقف

إقتباس وهل كانت كليتك تتفق مع أحلامك وخيالاتك ؟

تتفق بشكل كبير مع احلامي .. الحمد لله اخترت تخصص مقنعه فيه واايد و احس له مستقبل .. و مطلوب

إقتباس وهل شعرت بأنك حققت شيئاً من طموحاتك وذاتك وأحسست بأنه قد أصبح لك كيان في المجتمع ؟ و و و و...

لا بعد .. طموحي ما يتوقف عند شهادة الدبلوم العالي .. اطمح بعد التخرج السنة الجاية ان شاء الله.. اني اكمل دراساتي العليا

تحياتي لك و لقلمك المميز اختي الماسه