مرحبا يا ابناء الزعيم
انا صدق مقهور من جستنيه وخياط والنصراويين المتعصبن لماجد وهم يمثلون تسع وتسعين بالمية من الغير هلالين ؟؟...... ويشككون بجائزة سامي من الغيرة .....؟؟؟؟

بعيد عن الوطنية وجائزة سامي

تلقاهم يحطون ماجد فوق كل الشبهات ....... ويا ويلك لو تقارنه بأحد تلقا اللاستهزاء والضحك الساخر منهم وحطوه الخرافي وجلاد والسهم والثروة الوطنية ............. على ويش ؟؟؟ ماندري


ماجد لعب 22سنة مع المنتخب ولا شفنا بطولة الخليج الا يوم اعتزل....... قال ايش خرافي

والسبب انه يسجل اهداف مالها لزوم ........ و في مباريات الحسم تجيه ام الركب ..... ضد قطر يسجل خمسة .... ولين راقبوه الرجاجيل تخنبق ...... وقام يناظر الحكم يبي بلنتي ......

اكيد لاحظتوا معي ندرة بطولات النصر والسبب انه يستسلم للرقابة بسهوله واهدافه الحاسمة بالنسبة لمدة بقائه في الملاعب تعتبر نادرة مع ان عنده صانعين لعب ممتازين زي يوسف خميس والهريفي

هدف ماجد في الصين ....... سجله بعد ماسجل شايع هدف الفوز ..... ولاعبين الصين اندفعوا كلهم يبون يجيبون التعادل ........ ولاحظوا من نص الملعب يركض ولا حوله احد ......ليسجل هدف آخر ماله لزوم ..... وها الهدف هو الثاني لماجد في البطوله كلها . قال ايش خرافي .......

الفرق اللي كنانلعب معها على ايام ماجد وسجل ضدها ........ الصين ....نيوزيلندا راعين الخرفان ..... سريلنكا ....وانت جاي .....حتى المنتخبات العالمية اللي لعبنا في الومبياد لوس انجلوس كانت الفرق تشارك بلاعبين هواة مالهم رواتب ...... ومع هذا ماقدر يسجل الا هدف واحد ونهزمنا بسته ......على ويش خرافي؟؟؟؟؟؟؟؟؟؟؟؟

سامي ساهم مساهمة مباشرة في صعود المنتخب ثلاث مرات بكاس العالم بأهدافة وصناعته للاهداف
وساهم في بطولات الخليج باهداف وصناعته للاهداف

وساهم في بطولات الهلال الاسيويه باهدافة وصناعته للاهداف وغيرها .... ياقاصرين الفهم ياغيورين
ياحاقدين يا أعداء الناجحين ................. مشوار سامي مرسوم بالذهب ..........ومشوار ماجد كله بلنتيات مشبوهه ..... مشوار سامي ............ فيه حب اخلاص ووفى..... مشوار ماجد كله خيانات ومؤمرات وارقام حسابات فيها شك بالامانات ....... على ويش خرافي؟؟؟

هذا الذيب النجم اللي حرث الملاعب وسجل وصلح الاهداف اللي ترفع للمنصات ........ مهب لاعبكم اللي نجوميته صنعتها المجلات .

وسلامتكم