راح اكتب لك بعض الامور لأني على عجاله من أمري ، وماشاء الله الشباب ماقصر خاصة الأخ ( كان هنا ) .

اولا ، لاتكبري الموضوع ، ترى الدراسه ماهي نهاية العالم ، انتِ تدرسي لتتعلمي مو عشان تجيبين لنفسك هم وتدخلين بتحديات وحروب ، حطي في بالك انك لارحتي الجامعه فأنتِ رايحه عشان تتعلمي لو معلومه وحده فقط ، وحبي وقتك فيها وقضي انواع الوناسة والخبال والكفتريات والاستراحه ، ووقت المحاضرة احرصي على الكتابة ( اهم شي ) وحددي الاسئله اللي تنكتب ، ترى الجامعه مذاكرتها قبل الاختبار بشوي مو زي المدرسة << بتضيع بنت الناس تراك خخخخ .

لارجعتي البيت لاتقولي بنام ، لاتنامي خلي التعب متواصل ، وخذي لك دش واجلسي مع اهلك واطلعي لين الساعه 11 او 12 ، واعطيها نومه .

اصحي على الفجر صلي الفجر وانتي بالخيار تنامي او تجلسي
ان جلستي سوي لك قهوه وطقطقي على اللي اخذتيه امس ، وروحي الجامعه ،

الويك اند اربعاء او خميس لاتقربي من الكتب ، خلاص اللي سويتيه يكفي .

صدقيني بهالطريقه بتحبين الوضع ،

ومثل ماقلتلك ، ترى الدراسة ماهي اخر شي بالحياه هي فقط للتسليه
وبشوفك بعد كم سنه بتقولين ان ايام الجامعه اروووع الايام ..

تمنياتي لك بالتوفيق

:
:
:
:


أطيب المنى