 | إقتباس |  | | | | | | | | | | وبيّن "ملفي" أن نظرة المجتمع نحو ميول الفتيات الرياضية سلبية، وقال: هناك فتيات أفضل من الشباب في طريقة متابعة الرياضة، وكذلك الحال هناك نساء أفضل من الرجال، وهذا في المجتمع ككل وليس فقط في الرياضة، مؤكداً على أن الحُكم على ميول الفتيات الرياضية يعتمد على البيئة التي يعشن فيها باختلاف ثقافة المدينة أو ثقافة الحي أو ثقافة الأسرة المستنبطة من ثقافة المجتمع، وبالتالي يفترض على الانسان أن يكون مسؤولاً عن نفسه ويحتاط من خلال ثقافته التكوينية وفق ما أقرته الشريعة الإسلامية، مشدداً على أهمية التعامل وفق القاعدة الشرعية "لا إفراط ولا تفريط"، والتعامل مع الأمور بواقعية ومنطقية. | |  | |  | | السلبية في كل شي تسويه البنت للأسف وخصوصاً في كورة القدم البعض يشوفها ( عيب ) لكن إذا كانت البنت تتابع دون تعصب وماانعكس هالشي على سلوكها وصارت رجولية او تقلد سلوكيات ماتنتمي لجنسها مااتوقع بتكون في مشكلة هي حرية شخصية تطالع اللي تبي لكن في حدود ... مثل ماقال خلف ملفي ~
الغريب انه لازال من يشوف مجرد مشاهدة البنت للكورة ( عيب ) اكرر هالشي لاني أنا أعيش في بيت يردد هالكلمة لدرجة انهم يقولون شوفي اللي تبين الا الكورة ’’ شي غريب بصراحة ماانكر خوفهم من اللي يصير هالايام من استرجال البنات لكن الزيادة فالخوف اشوف مالها داعي ويمكن ترتد النتيجة بصورة عكسية >> قال ايش تشوفين رجاجيل طيب والمسلسلات وين راحت حتى شاعر المليون صارعندنا عيب !!!!!!!
اخوي يقول ذات مرّة وفي كل اسبوع نفس الموّال >> ترضين أطالع عرض أزياء
قلت له :: بكيفك
قال :: عيب أنا أشوفك بنظرة لا طالعتي كورة زي الرجال لا طالع عرض الازياء !!!
صراااااحة مقارنة ظالمة مدري وش دخّل جت على ذي أنتو يامعشر الشباب تطالعون اللي ماينقال ولاجت البنت وبكل براءة طالعت كورة قومتوا الدنيا عليها ...
أحنا نقول ونعيد ونكرر اذا تابعت البنت الكورة بدون مايغير هالشي في سلوكها وتصرفاتها الامر وقتها طبيعي ..
انا عن نفسي كنت اشوف بنات ايام ماكنت ادرس بالكلية يلبسون قمصان لاعبينهم وماأأيد تصرفهم لأنه غلط تشجعين شجعي في بيتكم ماله داعي تبينين للناس  والله اني اعرف بنات ونساء وحريم ( يعني :: شابات وعواجيز ) مايطيقون شي اسمه كورة لكن مباراة الغرافة 4-2 كلهم طالعوها ولا قالوا عيب ومايصير ومايجوز وبحماااس بعد >> وش الفرق عساس انه تمثيل خارجي وكنه منتخب ..
أصلاً حالياً في تناقض كبير بين الناس لا لعب المنتخب قالوا تشجيعه من قبل الرجال والنساء أمر طبيعي ليش يعني واجب وطني من قال !!
{ كلها كورة وش فرق } .. 
أحس كل مالهم يضيقون علينا الباب ؟؟؟
والكثيري ذا يوم انه يقول متابعة البنت للكورة تكون في فترة المراهقة وسد أوقات الفراغ وش يقصد ؟؟
أنا تابعت الكورة في ريعان الشباب وبداية الدراسة الجامعية " ليكون وقتها مراهقتي ماخلصت " أو عندي فراغ نفسي وعاطفي !!!!!
أنا أدري انه فالبداية برأ ساحته واختزل الامر على الحدود والمعقول لكن تحقيقه مال أمه داعي يعني وش بيغير المسترجلات بيعقلون مثلا ولا المتعصبات بيهدون اللعب حبتين ؟؟؟؟
اخر تعديل كان بواسطة » Ms. Star في يوم » 09/03/2011 عند الساعة » 01:13 PM | 