نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - صـــدقــــــونـــــي ,, مــــاعــــنده شـــــي ,, !!

~ ذبحني غلاك ~ · #1 04/03/2011, 07:31 PM

بسم الله الرحمن الرحيم ..

ببتدي موضوعي بدون مقدمات وبخش بالموضوع على طول !! .

الكل يعرف أن الهلال يمر في مرحله حرجه للغايه .. والكل شايف تخبطات السيد كالديرون .. ويمكن البعض يزعل من كلمه تخبطات . !!!

بذكر لكم بعض السلبيات اللى ارتكبها واللى راح تؤودي الزعيم اللى الهاويه ..

_ في بدايه أستلامه للفريق سحب اللا عب الفرج من الوسط اللى الظهير الأيسر !!
_ وتأتي الطامه الكبرى سحب هداف أفضل دوري عربي من الوسط اللى المحور اللى هو محبوبنا الشلهوب وبكذا أختفى الشلهوب وأختفي الوسط الهلالي !!
_ أكثر تغيراته خاطئه مثال (( في مباره الفتح سحب عزيز وأدخل القرني )) وش الفايده أنت تبحث عن هدف والقرني وعزيز نفس الأدوار بالضبط ويمكن البعض يقول القرني يجيد المحور الهجومي وحتي عزيز في ذي المباره كان يبني هجمه وقايم بدوره الدفاعي والهجومي .. أشوف أنه مجرد أسم تبديل !!
_ لايجيد قرائه الفرق المنافسه فقط أجتهاد من اللاعبين كثر الله خيرهم مثال (( مباره الهلال الاخيره في الأسيويه الكل أجمع أن من الواجب أدخال عزيز من البدايه للقوه المنافس وبكذا فتح الملعب للمنافس !!

البعض يردد مقوله كالديرون أعطي الشباب فرصه للتمثيل الفريق الأول ..

شافي الدوسري ..الكل يعرف أنه من زمان يلعب في الهلال مره في الاولمبي وتاره في الفريق الاول وبعض الاحيان أحتياط في الفريق الاول .
الزوري مصاب لي يونغ يلعب ظهير ايمن والفرج اللى هو اساسا وسط جعله ظهير ايسر وكان مصاب من يلعب في الحاله هذي ؟ بكل تأكيد مافي غير شافي الدوسري .

القرني .. عزيز بعد دوره الامارات اصابته اصابه والبرقان والغنام نفس الحال مصابين رادوي مرهق وبكل تأكيد مافي غير القرني بالحاله هذي ..

نواف العابد وعبدالعزيز الدوسري .. من زمان مع الهلال مع كوزمين وجيرتس
وخصوصا بعد ابعاد نيفز صارت لهم فرصه كبيره للتمثيل الفريق الاول ..

..كالديرون .. هو صحيح محاضر في الاتحاد الدولي وصحيح مدرب ممتاز بس وجوده في الهلال غير مطمن !!!

ـ
الــــحــــــل ... هو ..
كـــوزمــيــن ..

نعم مدرب يعرف كل صغيره وكبيره في الهلال البعض يقول انه مدرب دفاعي طيب اهم شي تأمن الدفاع وبعدها تعرف تهاجم حافظ ع خطوطك الدفاعيه وتذكرون كم كان يخش في مرمى الهلال أهداف في الموسم .. وكم جنن

بعض روؤساء الانديه المنافسه للهلال اللى لدرجه يتركون فريقهم ويطالبون في ابعاده عن السعوديه وكم مره لم يستطيع النصر الفوز علينا ..

نتعاقد معه من الأن ويستلم الفريق بعد نهايه الموسم ويكون كافه الامور من معسكر خارجي وغيره في يد كوزمين .. وبكذا راح يكون الهلال نار في الادوار المتقدمه من بطوله اسيا في حاله تأهلنا بأذن الله ..

للأمانه أنا كاتب الموضوع قبل مباره الاهلى !! وحبيت أذكر نقطه مهمه !!!
كل الخطوط في الفريق يتم راحه لاعب وادخل لاعب اخر بس .. السؤوال ..
هوساوي متي يرتاح لو مباره هل من المعقول بيكون في الدوري وأسيا وكأس ولي العهد وكأس الابطال بنفس المستوي مايجب ع الاداره ايجاد البديل ليكون هوساوي بعيد عن الأرهاق ........

...
خارج النص ..
ليش مايلعب الهلال في الملز بدل استاد الملك فهد الدولي
أفضل لنا بكل شي من ناحيه الحضور وبكذا نظمن الملعب فل حتي تأثير الجمهور بيكون له دور كبير خصوصا ان قرب الجمهور للأرضيه الملعب عكس الاستاد ..

.. وجهه نظري الخاصه ..