السلام عليكم

كيفكم بعد الخسارة ؟!

طبعاً خلاص مباراة وراحت ، ماكنت متوقعها صراحة ، خسارة الجمهور حضر ورجع خايب

الخلل من مين !؟ الله اعلم ، لكن الخسارة يتحمل 70% منها كالديرون للاسف

التغييرات مدري وش تبي ؟!!

والباقين الاعبين اللاعب يلعب بدون روح ، ماقدر الجمهور الي حضر من شانه

والله يرفع قدر هوساوي هو الي شايل الفريق باكمله

لو يسمح الفيفا ان المدافع لبس قفازات ويصحح اخطاء الحارس يسويها هوساوي

مدري مين يغطي

هل يغطي الاعبين الايرانيين ؟! ولا يغطي نكبات نامي ؟ ولا يرقع للمرشدي ؟؟؟


وبخصوص احمد علي اغلبكم يقولون ان احمد علي ( فاشل - لايستحق اللعب للهلال - هل هو لاعب كرة قدم - .... الخ )

طبعاُ افولكم لو تفحطون من هنا الى بكرة ماراح يروح ، تبون تقولون لي ليش ؟!

لان فترة الانتقالات الشتوية انتهت خلاص يعني مافي امل يجي لاعب او يروح لاعب

يعني مالنا الا الصبر ثم الصبر على هذا الاعب الى نهاية الموسم على الاقل

ومدري حاسس من يوم ماتعاقد الهلال معه انه راح يبدع

لاتنسون ويلي اول ماجاء ؟! والحين صار من اعمدة الفريق
ولايهون نيفيز الله يرجعه لنا سالم

يعني الصبر على ماقالوا مفتاح الفرج

اصبروا يالشعب الهلالي

امس جاته ثلاث كور فقط

كورة وحدة خطيرة الي هي رأسية بس

الصبر ثم الصبر ثم الصبر ياجماهير الهلال على احمد علي

وانشاء الله راح يتأقلم ويصير من اعمدة الفريق

بالنسبة لوضع الهلال في آسيا

المجموعة حديدة

لكن الهلال قدها

اهم شي الفوز على الغرافة + الجزيرة على ارضنا هذي 6 نقاط

ولو فزنا مبارتين خارج ارضنا برضو 6 نقاط

يعني 12 نقطة من اصل 18 وتعادل تصير 13 نقطة

ممكن نتاهل باذن الله

اهم شي الفوز على الجزيرة + الغرافة

ولو نتعادل مع الفريق الايراني في ايران شي طيب

والفوز احلى باذن الله

الله يوفق الهلال ، انا السنة هذي متفائل جداً بتحقيق اللقب باذن الله .

تكفى شبية الريح ابوفيصل

الفريق يبيله " قرصة "

الكل شاف اللعب بااااااااارد جداً

علمهم ان في جمهور يحترق عشانهم

وين ايام اول

وين الجمعان وسامي ويوسف وين ايام نواف التمياط وغيرهم الكثيييييييييير

كانت الاندية الاسيوية تهاب الهلال ورجاله من قبل شهوووووووووووووور من المباراة

لكن ما اقول الا الله يرجع ايام اول بس

نهاية الموضوع لايسعني الا ان اشكركم

ان اصبت فمن الله وان اخطأت فمن نفسي والشيطان