بسم الله الرحمن الرحيم

اولا : ياشباب لا احد يطبل ترى ذبحتونا كفايه تطبيل مستوى هزييييييييييييل جداً جداً ياشباب اليوم فنايل تلعب ابي اشوف احد يناول صح مافيه ابي شوته صح مافيه ابي اوفر صح مافيه ابي توجيه من المدرب صح مافيه ..... يابو فيصل تدخل ترى مافينا حيله ياخي ترى بعض الجماهير فيهم قلب وسكر وضغط نبي نناظر الزعيم انمتع اعمارنا في ونتونس على لعبه صار يجيب لك على زود ماعندك من بلاوي ..بلاوي ... ارجوا من الاداره التحرك ..

ثانياً : اتمنى محاسبه سامي جاب لنا مدرب ولا واحد مقتنع فيه وسامي الحاله راهن عليه وطلب بمحاسبته اذا لم ينجح وسامي خسر الرهاان من اول مباراه لكن قلنا خل نصبر كودها تصدف معه وللاسف من اسوء لاسوء...وكذلك اطلب بمحاسبه سامي على احمد علي اللاعب الي ما اضاف للزعيم شي ياناس حنا نبي اجنبي يصنع الفرق مانبي اجنبي يجي يتعلم عندنا نبي اجنبي يستفيدون منه لعيبتنا ونادينا ...اذا صرنا نجيب اجانب مثل مستوى اللاعب احمد علي مع احترامي الشديييد له والله ان نبطي عظم على الاسويه يانااس ترى الفرق تطورت وحنا مازلنا نلعب على انفسنا زعيم اسيا وزعيم اسيا ...ياناس هل تتخيلون زعيم القاره يغيب عنها ما يقارب ال9سنوات..؟؟!! يجب ان نتداارك الوضع ونحاسب المتسببين وبكل صارمه ..

الشي الثالث: اطلب من هذا المنبر من الامير عبدالرحمن احضار طبيب نفسي للاعبين يرفع من معنوياتهم ويوجد فيهم الروح العاليه التي تمكنهم من المقاتله الى آخر دقيقه من المباراه..ياشباب حنا بصراحه بحاجه الى طبيب نفسي للاعبين اغلب الانديه الاوربيه يوجد فيها طبيب نفسي وما اوجدوه الى لاهميته ...يعني لو مثلاً نتعاقد مع رشاد فقيها او غيره انه يحضر للمعسكر في المباريات الهامه او على الاقل في المباريات الاسيويه ويعسكر معهم بقبل المباراة بليلتين او ثلاث ويشحذ هممهم وراح تشوفون الفرق صدقوووني...



لكم خالص شكري

سبحانك اللهم وبحمدك اشهد ان لا اله الى انت استغفرك واتوب اليك