| تعال يمي يامتعب القلب بالحيل
تعال شوف الحال من عقب فرقاك
&
الليل من بعد فرقاك أصبح طويل
تعال شوف قلب(ن) للحين يهواك
&
دمعي عقب فرقاك أكبر دليل
مانزل دمعي لمخلوق(ن) سواك
&
لو قالوا عشق غيرك هذا مستحيل
ترى قليبي يابعد هالكون بفداك
&
لايهمك لو تسمع القال والقيل
قلبي مستحيل ياهوى البال ينساك
&
أجلس أطالع صورتك أخر الليل
وأقول متى ياغلا الروح بلقاك
&
أقسم بربي أني مشتاق لك حيل
وبنطرك بنفس المكان اللي هناك
&
أنت تعرفه زين ماتحتاج دليل
ذاك المكان اللي شهد يوم لقياك
&
بصبر حبيبي وأدري الوقت طويل
بس لجل تعرف أني بالحيل أهواك
&
لاتخلي قليبي يابعدهم ذليل
ماشفت حالي من بعد فرقاك | 