بسم الله الرحمن الرحيم ..
ا
من بدايه المباره والتشكيله واضحه انها ماهي مناسبه فريق ضايع في وسط الملعب لاتكتيك ولا أنسجام .. والسبه بكل تأكيد هو.. راعى الأبتسامه ..
أبعاد الخطوط عن بعض ..
العابد والفريدي مدري وش أداورهم بالضبط .. مالومهم الوم المدرب ..
أالحين من في المباره هذي صانع لاعب ياكالديرون ؟
مافي صانع لاعب حقيقي الكل ضايع والكل مايدري وين يلعب ..!!
من زمان قلتها ... نهايه الشلهوب مع كالديرون .. بس ماقدرت انزل الرابط لاني كتبت موضوع بنفس العنوان .. نعم الشلهوب مع هالمدرب أختفي من متي والشلهوب يلعب محور ؟ حرر الشلهوب معروف محمد يبدع في الامام يسجل ويصنع ويمتع وأنت بالأخير تطلب منه الدفاع مع رادوي خصوصا جسمه مايساعد ..
موجود عندك عزيز خلاص بالعقل نزل عزيز مع رادوي وبكذا نمسك الملعب
وش تعني الأبتسامه ياكالديرون ؟؟
بدال ماتكون منفعل بعد الهدف ترد في أبتسامه !!! ياخي حرام عليك قدر مشاعر جمهور الزعيم ..
وش بيقول الاعب بعد أبتسامتك أكيد بيكون مالك هيبه عنده دامك ترد في أبتسامه !!
أحمد على أقدرك وأحترم حماسك بس ماكنك مو في الهلال ..
الاداره بدى يطلع لها صوت وتكرر وتقول ماراح نعطي البطوله أكبر من حجمها وش معنى هالكلام ؟؟
يعني نلعب بالمستوي هذي ع طول ونحسس اللاعبين أن هالبطوله ماهي مهمه !!
الا مهمه و نص ادري انها قدام الاعلام يقولون ماهي مهمه بس نبي كلام يخش العقل اذا فيه تصحيح ماظنتي بالطريقه هذي يوم تقولون البطوله ماهي مهمه ..
وبكذا نخسر ونطلب الجمهور بالحضور !!!
أتمني مايطلع الهلال وتصرح الاداره أنها أرتبكت أخطاء وبتعالجها في البطوله القادمه مانبي هالاسطوانه تكرر ..
وجهه نظر ..
