|
والله العظيم حرام مايصير كيذا يا جمهور
السلام عليكم
يا شباب وش فيكم انتم
في بطولة اسيا كاملة ما تملون الملعب الا في مباراة وحده في كل البطوله و المباراه هاذي نخسر فيها والسبب الاتي:
اللاعبين ما يشوفون الملعب مليان الا في مباراه وحده فا ينضغطون في هالمباراه ضغط غير طبيعي
فلذلك لازم نحضر كل المباريات علشان ما ينضغطون ومايحسون بخووف
موبايلي عرضت تذاكر مباراة الهلال وسابهان ولا واحد منكم شراها او قال اني شريتها او بشتريها على الاقل
فا اتمنى أي واحد من الرياض يقرا الموضوع الحين يفز على أي فرع موبايلي او متجر الهلال او النادي من الحين ويشتريها
الشي الثاني ادارة استاد الملك فهد ما تشغل اضاءة الملعب كامله الا اذا امتلى الملعب او مباريات المنتخب وهاذي مشكله
اتمنى من ادارة الملعب تشغيل جميع الاضاءات الموجوده في الملعب نفس مباريات المنتخب او نفس مباريات ال 70000 متفرج
اسف على عدم تنظيم الموضوع الاستعجال دعاني لذلك
والسلام عليكم ورحمة الله وبركاته | 