جمهور الزعيم ... للأسف انتوا سبب اخفاقات زعيمنا اسيويا!
السلام عليكم ورحمة الله وبركاته
بدون مقدمات ... فيه شي ضايقني كثير في جمهور الهلال وهذا الشي اللي ماتمنيت نوصل له
وذا
وذا
وذا
وذا
وذا
اكمل والا يكفي ؟
بالله وين منطق الكره ياجماعه ؟؟
لو التاريخ يفيد راعيه ... كان من زمان القدس متحرره !!
ياجماعه الهلال صدق انه حصل على 6 يطولات اسيويه ... 2 منهم في دوري ابطال اسيا
يعني
مالنا افضليه على غيرنا اللي حققوها معنا بنفس العدد او يمكن اكثر ... مثل ماتشوفون
انا اتكلم عن انه الهلال حقق دوري ابطال اسيا لمرتين فقط ... ماعلينا من كاس الكؤوس والسوبر ... هذي بطولات مختلفه
ابي افهم على اي اساس الجماهير متفائله بالشكل الغريب ذا ... اللي من جد حسسوني اني ماعرف الهلال واني غريب عنه !!
اولا
الهلال في عز مستواه واوجّ عطاءه ماقدر يجيبها اللي هي السنه الماضيه مع قيريتس .. ولاتقولون غيابات .. عندنا خير هالسنه بعد من الغيابات
ثانيا
الهلال هالسنه فيه غيابات كثيره جدا .. وصعب انه اللاعب يرجع لمستواه بعد الاصابه مباشرة
ثالثا
الهلال غير جهازة التدريبي في نص الموسم ... وهذا يعني انه المدرب مااختار الاجانب بناءً على رؤيته الفنيه ... بالعربي .. جالس يطقطق بالموجودين الين تجي فترة الانتقالات الصيفيه علشان يطلب اللي يبي
رابعا والمهم
هلالنا وش حقق لنا في اخر عشر سنوات علشان اشوف كل هالتفائل ؟؟
نصكهم خمسه ومدري ايش ...
باللهي اي منطق كره ذا ؟
ياجماعه لو التاريخ فيه خير كان ماطلعتنا سوريا والاردن من كاس اسيا !! لاحظوا اننا طلعنا قبل نقابل اليابان
وش فادنا فيه تاريخنا ؟
الكره تعطي اللي يعطيها وهذا شي متعارف عليه
لكن للأسف
جمهور الزعيم وصل بهم الحب والعشق الي
حد العمى وصاروا مايشوفون منافسين لفريقهم
ترى برشلونا قبل الكلاسيكو اللي فازوا فيه خمسه ... جماهيرهم كانت تتمنى الفوز بـ 1 - صفر ... احتراما لريال مدريد واحتراما لمورينيو
وبكذا
الضغوط على اللاعبين طارت .. لعبوا بأريحيه ... وكمخوا الريال بالخمسه
وين تبون الاريحيه تجي في لاعبينا وانتوا تطالبونهم بخمسه من فريق وصيف في الدوري الايراني ؟؟
مصادفه جميله قد توصل المعنى لبعض المحبين لدرجة العمى للكيان الازرق
اللبيب بالاشارة يفهم يازعماء
من اكثر من حقق دوري ابطال اوروبا بالترتيب ؟
خلوني اكتبهم دامي استرسلت
اكثر من حققه اول خمسة افرقه
متى اخر مره جابها ريال مدريد ؟
طيب بلاش الريال ... ليفربول متى ؟
ميلان متى ؟
اياكس ؟
لو تلاحظون
اخر ثلاث بطولات .. جابوهم اخر ثلاث افرقه من تحت
ليه ؟
لانه جمهورهم واعي ... صحيح التشامبيونز صعب ... لكن
بنحاول وليس
بنجيبها غصب زي ماتشوفون بأول الموضوع !!
ترى والله محنا احسن "تاريخيا " من ليفربول
ولا البرشا
ولا المان يو ولا الانتر
على طاري الانتر
الفريق ضل 45 سنه الين ماحصل ع التشامبيونز ... لانهم دايم يضنون نفسهم الافضل في ضل تراجع اداء ميلان
لكن
يوم حسوا انهم لازم يرفعون مستوى الاحترافيه ... وخطفوا مورينيو ... ونفذوا له طلباته ... جاب راسها
هذا اللي نبيه
لاتشوفونا فزنا على الاهلي العاجز فنيا واللي
له اكثر من 4 مواسم مايملك محور زي الناس ولاعنده دفاع
ولايغركم تعادلنا مع الاتحاد ... لا ... الاتحاد
كان سيء وقتها ولو كان في نص مستواه كان كسب اللقاء لاننا كنا سيئين ايضا
ولا تغترون بفوزنا على الشباب ... لانه اسوأ منا ... لاتقولون غياباتنا اكثر منهم
ترى نص غياباتنا احتياط
عيسى
الغنام
خيرات
شراحيلي
الدوسري
البرقان
لكن الشباب غاب منهم روح الشباب ... عبده عطيف واحمد عطيف والشهيل الاساسيين ... واللي مهما حاولت ماتقدر تجيب لهم بديل ... هنا الفرق
لاتاخذكم عزة النفس زياده ياجمهور الزعيم
صحيح فريقنا كبير ... وتاريخه وسمعته تسبقه
لكن !!
هذي كره قدم ... تضرب بالتاريخ عرض الحائط .. زي مافعل هيركليز مع البرشا وهو فريق توه صاعد
زي مافعل ليون مع الريال في دوري الابطال في السنوات الماضيه
الكره تعطي من يخدمها فقط ... خل تاريخك معلق في جدران النادي وقت المباراه ... وركز في ادائك فقط
ارجوا انه الوعي يرتفع شوي عند بعض الجماهير الهلاليه ... وانسوا فكرة اننا حاطين الفوز في المخبات اللي فوق !! وشجعوا الزعيم
ودايم حطوا اسوا الاحتمالات ... علشان اذا صارت في الواقع وحصلت .. ماننصدم بواقعنا
تحياتي لكم ولاتشيلون بخواطركم ... تراه عتب محب للكيان
