نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - هنا المقارنة الحقيقة بين جماهير الأندية السعودية !!

كابتشينو · #1 26/02/2011, 01:13 PM

السلام عليكم ورحمة الله وبركاته ..
صباحكم مسائكم زعامه ..

أول شي هاردلك المستوى السيء أمس وإن شاء الله تكون خطه من كالديرون عشان مدرب سابهان

إختصاراً وبدخل بالموضوع على طول
وين بتكون المقارنة بين جماهير الأندية ؟
أنا أقول لكم !!
بآسيا .. مباريات آسيا بتكون المقارنة الحقيقة ..
إبتداء من أول يوم " الثلاثاء "
جمهور الزعيم نبيكم تملون الملعب .. نبي الملعب يصير فل لدرجة مافيه ولا مكان فاضي!!
أهل الرياض بنشوف جماهريتكم هالمره أتركوا عنكم المقاهي والله أزعجتونا نبيكم تحضرون !!
أهل القصيم والمجمعة والخرج مايحتاج أوصي تعالوا هذي أول مباراة لاعبيننا يحتاجون دعم يحتاجون تشجيع ومؤازرة !!

أهل الشرقية والغربية أعرف صعبه شوي بس عشان الزعيم كل شي يهون

أهل الشمال والجنوب العشم فيكم لاتنسوون

الي يقدر يغيب الإربعاء يغيب عشان الزعيم

يعني تمشون بدري الثلاثاء وإن شاء الله توصلون ع المغرب .. وممكن تغيبون الإربعاء ، يعني الإربعاء عادةً تكون المواد خفيفة وسهلة ومافيه ضرر تغيبون!!!

شفتوا جمهور الأحساء الي أمس ؟ ماشاء الله عليكم نقدر نشوفكم بمباراة الثلاثاء ؟

نبي حضور ثلاثة أضعاف مباراة آسيا الأخيرة

أتمنى هالموضوع يكون داعم لكم

نبيكم تحضرون وتشجعون بكل ما أوتيتم من قوه
حتى بزرانكم لاتخلون ولا بزر جيبوا كل بزرانكم

< - أهم نقطة هه

ياجمهور نادي القرن العظيم !
الدره بإنتظاركم يوم الثلاثاء لمساندة الزعيم !

نبي حضور مشرف نبي أكثر من 60 ألف

!!!!
أتركوا عنكم المقاهي روحوا شجعوا زعيمكم

لو سمحتوا لاتخيبون آمالنا وآمال اللاعبين .. يبون تشجيع !!!!

* أستغرب مافيه مواضيع حملات لحضور المباراة مع إنها أول مباراة من مباريات آسيا !! نبي نوري سابهان جمهور الزعيم شلون يهز الأرض هز !!
نبي نوريه جمهور نصف الأرض !!!

نقطه حبيت أوضحها
ترى هذي آسيا زي أي كأس يعني لاتتحمسون بزيادة
أستغرب من الي بأخر مباراة مع ذوب آصفهان شلون حلف إنه مايحضر مباراة للهلال وهالكلام !!
الحمدلله هلالنا كل سنه يفرحنا ببطوله وغيرنا يروح ويجي مايجيب بطولة !!
وبعدين حنا 6 مرات أخذنا آسيا وبإذن الله بناخذها هالمره
أهم شي روقوا ولاتتوترون بزيادة عشان اللاعبين مايتوترون!!
لاتعطونها أكبر من حجمها!!!
خليكم ريلاكس

وبالتوفيق للزعيم وبإنتظار حضوركم ومساندتكم