سهله ان الهلال يبيعونه لشباب ويبيعون معه المحياني .
دام الجمهور ماهيب عارفه اللاعب الافضل من اللاعب السيئ
الشلهوب بربس لين ادوخنا ولا احد يعاتبه بس عشانه الشلهوب ماهوب(الفريدي)
وويلي ضيع كوره ما تنضاع وبرضه محد تكلم عليه
نواف العابد اليوم سيئ وكان اناني في كثير من الكور ولا احد تكلم فيه
الجيزاني واحمد علي لا لهم لا ناقه ولا جمل في المباراة اليوم خارج النطاق ولا شفنا فيهم تهجم على الفريدي
. ياخوي اذا انت زعلان او غيران او مادري وش تسميه مشكلتك
ياخوي اذا انت تشوف نفسك لاعب فلته واحسن من الفريدي رح لنادي الهلال وطقها كوره
صدقني الفريدي ما فكر فيك ولا بيفكر فيك وبيلعب في الهلال واذا يوم الاداره فكرت تتخلى عنه ماعنده مشكله الانديه الثانيه تبيه وتقدر قيمته
.
افضل لاعب سعودي حاليا وتنتقده؟! انت تدري لو الفريدي نصراوي او اتحادي كان فجرو العالم تفجير عشانه
اذا الحارثي مايعرف يثبت كوره له دعم يفوق الوصف لدرجة ان الرجال مصدق عمره ويعتقد انه مثله مثل ياسر نجم
وقس عليه كثير من اللاعبين مثل ريان بلال وطقتهم من مرتزقين كرة القدم في هذا البلد
وتجيني تقول الفريدي والفريدي
.. الظاهر لو كان اخر اسمه باحضرمي كان شجعوه الكل ؟! ولا انتقدوه
او لو كان حليوه وشعره ناعم وكل يومين مصور لنا الف صوره كنه الفريان كان هو النجم اللي ما بعده نجم
.
صدقني ان الفريدي بغنى عن الجماهير
فهو لاعب يأدي ما عليه واكثر
ويمتع الخصم قبل جمهوره
وهو اللاعب الوحيد مع اجانب الهلال اللي الفرق الاخرى تحط له الف حساب
نص اهدافك اللي صانعها الفريدي
اصحى يا كابتن عندك افضل لاعب سعودي في وقت انقطع فيه من يفهم كرة قدم ويطبقها في الملعب
30 سنه نتابع كوره ما شفنا من طق الكوره الا اثنين
هذا الثنيان وعقبه الفريدي
لا الهريفي ولا احد ثاني طقها مثل ما طقوها
فا ريحنا من لاعبين الركض اللي ما يدرون من الكوره الا انها لياقه