يقوُل {..إبراهيـم العصَيمي..}

الوفاء في هـ/ الزمن شي ( من ضرب الخيال )
ماتشوفه غيـر فـ/ النصـر وأنصـار النصـر
لا إتحـادي لا شبابـي ولا حتـى الـهـلال .
بشروهـم بـ/ السلامـه علـى طـول الدهـر
الوفـاء لأهـل الوفـاء مالكـم معنـا مجـال
استريحـوا ياجماهيـر ( لاهــان الصـبـر )
النصر من زود عشقه ( رخص دمع الرجـال )
والله اني لـ/ اعشقه لـو يموّتنـي ( قهـر )
وافـيٍ لـه وافـيٍ لــه ولا فيـهـا جــدال
( عالمي فوق الثرى عالمـي وسـط القبـر )

..

فـ ردَيتْ علَيه

الوفاء بالفعل مـاهـوب بهروج وخبال
اتركو هـ الهرج يأهل الوفاء يأهل الفقر
الثلاثه أقطابنا وفـ الملاعـب لا محـال
متعبين الخصـم ومطلعينه {ع} الصفر
كل واحـد سمعته ذايعه والـهـم فعال
الثلاثـه كلهـم للـوطـن عـز وفـخـر
الوفاء في هـ الزمن تشترونـه بالريال
والجماهير الهلاليه تراها اوفاء البشر
النصر ولا زمـانه عـلـى مـر الليال
النصر ياعاشقينه صار من تحت القبر
لو تـوفي يـ براهيم نصـرك ويش طال
عـالميه يـ عـزيـزي قبل مية دهـر
أستلم ردي بعـد شاش راسي ولا يزال
استلم رد الهلالي مـع هـبـوب العـصـر
.
أخـوُكْم {..عَلي العَتيبي..}