إقتباس والله ياخوك بابا عبدالله على قولتك عزيز وغالي علينا جميعاً وكلنا سعداء بتعافيه وعودته الى البلد ونسأل الله ان يمد في عمره على عمل صالح لكن ودنا ينتبه شوي لوضع البلد.. وحال المواطن ودنا ينتبه للوضع الاقتصادي الداخلي المتردي.. الاسعار نار ومداخيل الشعب في انحدار موظف القطاع الخاص راتبه مثل راتب المصري والهندي.. والوظايف بالواسطات وحب الخشوم ولعنة الخيّر ودنا ينتبه شوي لتكلفة المعيشة للمواطن العادي اللي دخله مايتجاوز 4000 ريـال شهرياً.. باختصار ( شحاذ ) الف قسط سيارة.. والف قسط الإيجار.. والف فواتير جوال وكهرباء.. والف ساهر.. وطار الراتب وطار معه عقل المواطن من وين ياكل ويشرب ويصرف على بيته وعياله ؟؟ يحرم نفسه من اللحم والدجاج ويمشيها ( تونه ) تقل قطو ؟؟ عنده بيت ويبي مقاضي.. رز ودجاج ومكرونة وتايد وكلوركس ومعلبات وبيض وخضار وفواكه و و و... الخ اقسم بالله العلي العظيم اعرف واحد كان ( يبكي ) هذاك اليوم الصبح.. يقول مامعي حق حليب ولدي الرضيع !! المواطن سيارته اقساط وشقته ايجار وراتبه ضعيف وساعات العمل طويلة والوضع مزري الاجانب داعسين على كرامتنا دعس وناهبين خيرات البلد.. والبطانة الفاسدة الخائنة لعبت بحسبة البلد ودنا بابا عبدالله ينتبه شوي للوضع.. سائلين الله تعالى ان يحفظه أينما حل هنا او في المغرب

اخوي الصخرة والله انا معك وش نسوي يعني ،، ع العموم الله يحفظ لنا ابو متعب ويرزقه بالبطانه الصالحة اللي تنوره على الدرب الصحيح ويخليه يتنبه لنا اكثر بزياادة