17/02/2011, 09:57 PM
|
 | عضو اللجنة الإعلاميه للرياضة العالمية | | تاريخ التسجيل: 23/08/2009
مشاركات: 1,453
| |
وش ذا المتعه ؟ حتى بالاعاده اتابع واحس بـ متعه وكأني أشوف مباراة ثآنيه .؟ 
الف مبروك محمد ونواف وباقي الارسناليه  وهارد لكم برشلونيه
أرسنال بدفاع متواضع مقارنه بغيره من الانديه وحارس ثالث قليل خبرة يعني كلها عيوب
خلفيه للفريق وقدام فريق هجومي بحت ويعتبر اقوى فريق هجوميا بالاسماء والآداء وتقدم هـ المستوى 
شيء يحسب لكم ارسناليه ولـ فينغر اللي اشوفه تفوّق على البيب بتسيير أمور المباراة 
البرشا كالعاده يفرض اسلوبه في كل مباراة سواء كانت في الكامب نو او بعيد عنه وشفنا
هالشيء في كثير من فترات المباراة خصوصا بعد الـ 0-1 , لكن كان بشكل مبالغ فيه من
لاعبين البرسا , كان آداء يطغي عليه الثقة المفرطة وعدم احترام الخصم , بالظبط مثل ما شفنا
في ذهاب الموسم اللي فات بين الفريقين بعد ما تقدم البرسا 0-2 قلل من احترام الخصم وباغتهم
فينغر بالتعادل , نقطة ثانية بعد نقطة الثقة المفرطة والتقليل من احترام الخصم اللي هي فردية
ميسي , كان حريص على التسجيل له شخصيا أكثر من حرصه على تعزيز النتيجة للفريق
وهـ الشيء باعتقادي كان واحد من اسباب الهزيمة لأن أغلب الهجمات اللي كان فيها ميسي
فردي كانت من الممكن تكون اهداف محققة اما بصناعة هدف او بحسن التعامل في انهاء الهجمه
،
في المقابل ما ننسى حق الارسنال وتفوقهم بالشوط الثاني سواء بمستوى اللاعبين او بتبديلات فينغر
اللي قلبت موازين المباراة , خروج سونغ اللي استغربه كثير من المتابعين اشوف ان فينغر تصرف
بالشكل الأسلم , سونغ ماخذ انذار ومركزه يواجه فيه لاعبين امثال انييستا وميسي واكزافي
يجبرونه على ارتكاب الاخطاء ومن الممكن يآخذ الكرت الثاني وخسارة فينغر لهذا اللاعب في
الوقت الباقي من المباراة وفي مباراة الاياب اللي راح يحتاجه كثير فيها
كنت متوقع خروج ثيو ويكون بديلة الشماخ لكن كان البديل بنفس المركز اللي هو بينتنر
وهالتبديل كان ذكي لتكثيف الهجوم خصوصا وان الفريق وقتها متأخر بهدف وعلى ملعبه
وبرضو لتحرير بيرسي وبرضو لقلة عطاء والكوت , تبديل بمكانه ومنتظر
،
يآحظكم بـ ويلشر
يتناصف نجومية المباراة مع كوسليني
شسمه , متأكدين ان نصري راجع من اصابع .؟
،
الاياب صعب نتكلم عنه , الى الحين اشوف ان حظوظ البرسا بالتأهل أكبر لكن يبقى صعب
التكهن في الاياب
|
