مشكورين على الردود ياشباب ..

ومثل ما قلت الإخوان الي يقولون الوقت ما يسمح صحيح ان لازم تذاكر بس تذاكر موب يعني ما تترك الكتاب !! ما أظن إنك بتذاكر أكثر من 5 ساعات كحد أقصى ( الدافور ) , يعني بتقعد الساعة 11 الصباح مثلاً ! تتسبح تتجهز وتفطر وتروح صلاة الجمعة , بعد ماترجع تذاكر ساعة ساعة ونص بعدين تتغدى , بعد الغد بتروح تنام ( القيلولة ) , أو تكمل مذاكرة , اللي ينام ينام ساعتين يعني قول يصحى 5 المغرب , يروح يصلي وبعدين يرجع يذاكر لين الساعة سبع ونص ثمانية ولا هو مشغل سيارته ومحرك المباراة , أظن ساعة ونص بعد الظهر وساعتين ونص بعد المغرب تكفي = 4 ساعات , فوق ما إنه عندك أربعاء وخميس تذاكر فيهن , أما الي ماينام بالظهر فا بيذاكر بعد الغدا لين الساعة 5 المغرب بعدين يريح ساعة , وبعدين يكمل مذاكرة لين الساعة 7 ونص وبعدها يحرك للهلال يعني بيكون ذاكر 6 ساعات ونص تقريباً , + مذاكرة الأربعاء والخميس !! يعني بيكون حفظ الكتاب كله حتى لو كان فاشل بالدراسة

أتكلم بمنطقية فلا وجود لحجج أبداً ومن يتحجج فهو موب كفو لتشجيع الهلال , ياليت لو الكل يقرأ وش الي مكتوب فوق عشان يطبقه يوم الجمعة

أما بالنسبة للأخ الي يقول توقيعي أكبر من الموضوع !!
عندي سؤال وجيه وصريح لازم يكون التوقيع أصغر من الموضوع ؟ أنا كتبت الموضوع والي يحب يقراه يقراه فلا تدقق على التوقيع لأنه موب جزء من الموضوع

تحياتي ,,