السلام عليكم ورحمة الله وبركاته
صباح الخير للزعماء :
**بعد أحداث ايقاف رادوي ومااصدرته اللجان بقرار ظالم وفادح باتجاه رادوي قررت اجيب لكم قصيدة للشاعر سعد
الشقحاء على الاحداث التي جرت وإليكم القصيده..
قصيدة الشاعر سعد الشقحاء :
يابو مساعد كل ماصار يفداك لا يشحنك نقّالت القيــــل والقـــال
اللي تحدى موقعه تحت ماطاك رادوي لو وقف يجي غيره رجال
تعرف هل التحريف ذولا وذولاك الحاقدين اللي تسمــــــى بالانذال
لجانهم حطت على شان تقصاك دايم على كيف الهواء حكمها مال
يالجنة التضليل بانت خفاياك الحقد والتزوير مع دمكــم ســــال
نواف بن فيصل ترى العلم ينصاك الظلم مانرضاه ياطيب الفــــــــال
كلنِ يشوف الأمر ماضن يخفاك عِهده وذمه وأنت للأمر حـــــلال
رادوي لو تذبح ترى مانسيناك وشلون ننسى وانت في دمك هلال
حنا معك دايم ولو تكثر اعداك مانستمع في هرج حاقد ومحتــال
ناديتنا بالعز والسعد ناداك وزعيمنا في كل الاحــــوال متعال
جمهورنا ذويق باللعب يبغاك واللعب فن وفيه صولات وقتـــال
واللي يحسبها على كيفه إعراك يراجع اللي فات ويشوف الاهمال
جمهورنا تكفى ترى اليوم بنخاك لا تتركوا رادوي لظلم يشتــــال
يافهد بن خالد ترى ماهقيناك اثرك ضعيف وماتحمل للاحمـــال
ان قالها الله تمسح الدمع يمناك ترجع لجده خاسرِ بخمسة أقوال
يابو مساعد كلنا نتبع رضاك إحجب على الجوله تصاريح وأفعال
