اذا تبون الواحد يتكلم بصدق .. ويتكلم بواقعية ..
ما ذبحنا الا مثالية شبيه الريح .. يا خوي ما قلنا شيء قل الحق ولو على نفسك ..
بس ما توصل لدرجة انك تشوف حقوق لاعبينك تسلب منهم عياناً بياناً ..
وتبيهم ما يحركون ساكن .. حط في بالك يابومساعد .. كل فعل له ردة فعل .. والشيء اذا زاد عن حده خلاص ينفجر ..
رادوي قبل ما يكون لاعب هو بشر .. ويحس مثل ما نحس .. ويتعرض للإيذاء والادارة ما حركت ساكن ..
فمن الطبيعي .. اللاعب راح يجي له وقت ويخرج عن السيطرة .. بصرحة مل واهو ما يبغى يتعرض لأحد ..
بس ما توصل لدرجة اني انضرب كل مباراة واشوف اتحاد الكرة ولجانه ما يتخذ اي اجراء ..
بالرغم ان كل ضرب على رادوي متعمد 100% بس اللاعب ما شف احد خذا له حقه .. فمن الطبيعي بياخذه بيده ..
والرئيس الله يهديه طالع لي امس في صدى الملاعب .. ويتكلم على اللاعب ومدري ايش .. وحنا مو في باب الحارة ..
وتصرفك احمق .. اذا انت تبي تزبد للاعب .. سو هالشيء بينك وبينه .. موب تجي للإعلام وتقول هالكلام ..
صراحة شيء ما يصير .. اتمنى تكون عقوبة رادوي آخر المطاف لمثالية سمو الامير الشاعر ..
بصراحة عندنا وسط رياضي ما يستاهل ان الواحد يكون فيه مثالي ابداً ..